ზვიად კუპატაძე: “ბოდიშს ვუხდი მაგდა კლდიაშვილსა და საზოგადოებას” (ვიდეო)

საქართველოს ფუტსალის ნაკრების კაპიტანმა ზვიად კუპატაძემ ბოლო დროს მასსა და ჟურნალისტ მაგდა კლდიაშვილთან დაპირისპირებასთან დაკავშირებით მორიგი მიმართვა ჩაწერა.

“რატომ მოვხვდი ამ გადაცემაში (სპორტი დიდ ქალაქში – რედ) და რატომ შეატრილეს, ისე როგორც ჩვევიათ. შენ დაგესხმებიან თავს, ოჯახს, მერე მიიღენ საკადრის პასუხს, მერე ხდებიან მსხვერპლი, თურმე აგრესიის. საწყალი ჟურნალისტები, საწყალი ჟურნალისტი მაგა კლდიაშვილი”

“რასაც წერენ სიცრუეა, რომ მე გამაღიზიანა მაგდას კითხვამ. მე გამაღიზიანა მაგდას იქ ყოფნამ. ჩვენს შორის კონფლიქტი 2017 წლიდან დაიწყო, დავბლოკე და მას შემდეგ კონტაქტი არ მქონია”

“4 დღე მირეკავდნენ მიწვევაზე. მაფრთხილებდნენ, რომ იქნებოდა პროვოკაციები, არ დავთანხმებულიყავი. “მთავარი” არ შედიოდა ტელევიზიების ჩამონათვალში და არ უნდა მიმეცა ინტერვიუ. მიუხედავად ამისა, მე ვარ საქართველოს ნაკრების კაპიტანი და არ ვყოფ არც პოლიტიკურად ტელევიზიებს. თუ აქვთ სურვილი, მე ყოველთვის გახსნილი ვარ და დასამალი არაფერი მაქვს. არც მიცხოვრია ისე, რომ რამე დავმალო. 4 დღე მთხოვდნენ – ეს გადაცემა უნდა ყოფილიყო ხვიჩას კვარაცხელიას დასახმარებლად. მაბავდნენ და ახლა ვხვდები რა ხდება. იციან, რომ მე აქ ოჯახი მყავს, მეუღლე არის რუსი. საბოლოოდ შემაბეს, რომ ჩავრთულიყავი გადაცემაში. ერთი კითხვაც არ არის დასმული ხვიჩაზე. ვხვდებით, რომ ეს სპეცოპერაცია დაიწყო ჩემი შებმით. სპეცოპერაციის ნაწილი იყო მაგდა კლდიაშვილიც და მათ დაასმევინეს მაგდას კითხვა. მე საქმით დავამტკიცე, რომ ვარ პატრიოტი”

“ბოდიშს ვუხდი საზოგადოებას და მაგდასაც, მაგრამ როცა დედა გირეკავს, დედა, რომელიც შეწუხებულია, 1 წელიც არ გასულა მამის გარდაცვალებიდან, შეიძლება უფრო რბილად და თავშეკავებულადაც კი იყო ვიდეო ჩაწერილი. ის სიცრუეა, რომ რასც იძახის მაგდა და ბოდიშის მოხდა თუ ვინმესთვის პრინციპულია, ბოდიშს ვუხდი. ჩემი ემოციებიდან გამომდინარე, მე მქონდა ამის უფლება. მე მომიწვიეს ხვიჩას გამო”

“დიდი მადლობა ყველას და არავის ეგონოს, გულს ავიცრუებ ნაკრებზე. ამით მე ვძლიერდები. ჰო, იმედია, მაგდანს იმდენს არ იზამს, რომ არ მიმიწვენ ნაკრებში და იქნებ, ქვეყანაშიც არ შემიშვან.”

“ჩემი მიზანია ბიჭებთან ერთად მსოფლიო ჩემპიონატზე გავიდეთ და მიუხედავად იმისა, რომ 42 წლის ვარ, ყველაფერს ვეცდები” – განაცხადა კუპატაძემ.

იხილეთ ვიდეო:

გუშინ საქართველოს ჟურნალისტთა ასოციაციამ ფეხბურთელს მაგდასა და საზოგადოების მიმართ ბოდიშის მოხდისკენ მოუწოდა.