რუსული მედია: მამუკა ჯუღელი “რუბინზე” შურს იძიებს?

რუსული მედია აქტიურად წერს, რომ ყაზანის “რუბინი” ხვიჩა კვარაცხელიას გაყიდვას ერთ წელიწადზე მეტხანს ამზადებდა, მისგან 15-20 მილიონი ევროს მიღებას ფიქრობდა, დღეს კი თუ რამე მცირე წილს მიიღებს, ამაზეც კმაყოფილი უნდა იყოს.

მაგალითად, Sport-express ციტირებს ბათუმის “დინამოს” პრეზიდენტის, არჩილ ბერიძის სიტყვებს. ბერიძე ამბობს, რომ “რუბინთან” ყველაფერი მამუკა ჯუღელმა მოაგვარა და ყველა კითხვა მისი მისამართით უნდა წავიდეს.

იგივე ვებ-გვერდი ჯუღელის “რუბინის” გენერალურ დირექტორთან, რუსტემ საიამანოვთან ახლო ურთიერთობაზე და მის მიერ ბევრი ფეხბურთელის ყაზანში მიყვანაზე წერს.

მიუხედავად ამისა, ჯუღელს “რუბინთან” ურთიერთობა მაშინ დაეძაბა, როდესაც კვარაცხელიას ევროპაში ტრანსფერის თემაზე კლუბმა მოქმედების უფლება ლეონიდ სლუცკის აგენტ კრისტიან ემილსა და რაფაელ ვარანისა და სონის წარმომადგენელს, ფრენკ ტრიმბოლის მისცა.

როგორც ჩანს, “რუბინი” კვარაცხელიას ტრანსფერისგან რამე წილს მიიღებს თუ არა, სრულად მამუკაზე არის დამოკიდებული, მას კი ძალიან არ მოსწონს, როცა სხვათი ანაცვლებენ.

“ნაპოლი” ქართველის სანაცვლოდ 8-10 მილიონ ევროს გადაიხდის. როგორ გადანაწილდება მხარეებს შორის თანხა, ეს დაახლოებით მაისი-ივნისის პერიოდში უნდა გახდეს ცნობილი.