“თუ მამარდას სანაცვლოდ 40 მილიონი შემოგვთავაზეს, არ გავყიდოთ?” – ესპანეთში ქართველი მეკარის გაყიდვიდან მოგებას განიხილავენ
“ვალენსიამ” გიორგი მამარდაშვილი თბილისის “დინამოდან” 850 ათასი ევროს სანაცვლოდ დაიმატა და მისი გამოსასყიდი თანხა 20 მილიონი ევროა.
ესპანელი ფანები ხელმძღვანელობას მისი გამოსასყიდი თანხის მაქსიმალურად სწრაფად გაზრდისკენ მოუწოდებენ, თუმცა რაიმე ახალი ინფორმაცია ამის შესახებ ჯერ არ გავრცელებულა. არადა, გიორგი ლა ლიგამ ტურის საუკეთესო მეკარედ დაასახელა და მისით პრემიერ ლიგის გუნდებიც დაინტერესდნენ.
ახლა “ვალენსიას” გულშემატკივრები განიხილავენ, ფინანსური კრიზისის გამო, რამდენი მილიონის სანაცვლოდ დათმობენ მამარდაშვილს.
“წარმოიდგინეთ გუნდი მოვიდა და გიორგის სანაცვლოდ 40 მილიონი დადო. უნდა გავყიდოთ?”
“40 მილიონი? ძალიან თავბრუდამხვევი შემოთავაზება იქნება”
“40 მილიონის მოგება იქნება. 1 მილიონიც კი არ გადაგვიხდია”
“მე მაინც არ გავყიდიდი. ის კლუბის მომავალია”
“მამარდაშვილი ახლა ყველაზე საჭირო ტიპია მოედანზე. მის გარეშე ქულასაც ვერ მოვიპოვებდით”
“100 მილიონი ევრო დავადოთ და მინიმუმ 10 წელი ჩვენი კარი დაიცვას!”
“და მაგ ფულით რას ვიზამთ? მეკარე არ გვინდა? ვის იმედზე უნდა ვიყოთ?”
როგორც ესპანური პრესა წერს, ხელმძღვანელობა გამოსასყიდ თანხად მომდევნო სეზონისთვის სულ მცირე 50 მილიონს განიხილავს.
