“ვალენსიაში” მამარდაშვილის ბედი ამ კვირაში გადაწყდება – ბოსები

“ვალენსიას” პრეზიდენტი ენილ მარტი ამ კვირაში სინგაპურში გაფრინდება, სადაც გუნდის მფლობელ პიტერ ლიმს შეხვდება.

მარტი და ლიმი ახალ კონტრაქტებზე, ფეხბურთელების გაყიდვებზე და ტრანსფერებზე ისაუბრებენ. გარდა ამისა, ამ შეხვედრაზე გადაწყდება მთავარი მწვრთნელის, ხოსე ბორდალასის ბედიც.

საუბარია, რომ ბორდალასს “ვალენსიადან” გაუშვებენ და მის ნაცვლად 2 კანდიდატურა სახელდება –  პორტუგალიელი რუი ვიტორიო და ყოფილი გრანადელი დიეგო მარტინესი.

ბოსები იმსჯელებენ მამარდაშვილის საკითხზეც, რადგან მის სანაცვლოდ მინიმუმ ერთი შეთავაზება აქვთ – “ვილიარელიდან” და გარდა ამისა, მას სხვა გრანდებიც აკვირდებიან. გიორგი სატრანსფერო ბაზარზე 12-15 მილიონად ფასობს.

“ვალენსიას” ფინანსური კრიზისი აქვს და დიდი ალბათობით, ფეხბურთელების გაყიდვა მოუწევს.