რა ხდება არველაძის თავს და რატომ მოუნდა ლობჟანიძე-მიქაუტაძე შოთას?
რამდენიმე კვირის წინ დავწერეთ, რომ შოთა არველაძეს თავის გუნდებში ქართველი არ ფეხბურთელები არ მიჰყავს.
შოთა თითქმის ყველა ინტერვიუში ახსენებდა, რომ კვარაცხელია “ნაპოლიში” წავიდა, მამარდა “ვალენსიაში” და სხვა რადარზე არავინ ჩანდა. მოულოდნელად, ბრიტანულ პრესაში გავრცელდა ინფორმაცია, რომ შოთა ჟორჟ მიქაუტაძისა და საბა ლობჟანიძის დამატებით არის დაინტერესებული.
რთული სათქმელია, რამ გამოიწვია ასეთი შემობრუნება ქართველი ფეხბურთელებისადმი არველაძის, მაგრამ როგორც ჩანს, არველაძეს “ჰალში” ქართველების მიწვევა სერიოზულად აქვს განხილული და მხოლოდ იმ მოთამაშეებს დაადგა თვალი, რომლებიც ინგლისში წასვლას შეძლებენ.
მიქაუტაძე ბელგიის უმაღლეს ლიგაში თამაშობდა, ფრანგული პასპორტიც აქვს და ბრიტანულ სამუშაო ვიზას მარტივად მიიღებს. ლობჟანიძე მუდმივად ნაკრების წევრია, თურქეთის სუპერ ლიგაში ასპარეზობს და გოლი+ასისტის მაჩვენებელი 15-ზე მეტია.
გარდა ამისა, ორივე მათგანი საკმაოდ სწრაფია და მეტად შეეგუებიან ძალისმიერ ინგლისურ ფეხბურთს.
როგორც HullLive წერს, “ჰალ სიტიმ” საბას თაობაზე შეთავაზება უკვე გაუკეთა “ჰათაისფორს”.
“ჰალის” მფლობელი, თურქი მულტიმილიონერი აჯუნ ილიჯალი არველაძეს ახალ სეზონში პრემიერ ლიგაში გადამსვლელ შემადგენლობას დაპირდა.
