ქეცბაიას ულტიმატუმით ვერ შეაშინებ – რას თხოვენ თემურს “ანორთოსისში”?

“ანორთოსისმა” კვიპროსის დასრულებულ ჩემპიონატში მე-5 ადგილი დაიკავა და ევროტურნირებს მიღმა დარჩა.

შესაბამისად, გუნდის ხელმძღვანელობა განახლებას და გარკვეული პირების გაშვებას ფიქრობს. მათ კვლავაც სურთ, რომ მთავარი მწვრთნელი თემურ ქეცბაია იყოს, თუმცა თემურისგან მოითხოვენ, სამწვრთნელო შტაბი თითქმის სრულად გამოიცვალოს, რასაც ქართველი ეწინააღმდეგება.

მართალია, ქეცბა მისი სურვილით “ანორთოსისის” მთავარ სკაუტს დაემშვიდობა, მაგრამ შტაბის წევრების შეცვლა, რომელთა დიდი ნაწილი მისი მოყვანილია, გეგმებში არ შედის.

“ანორთოსისი” თემურს პრაქტიკულად ულტიმატუმს უყენებს და თუ არ დათანხმდება, მასსაც წასვლა მოუწევს. მოლაპარაკებები კვლავ გრძელდება.

ცოტა ხნის წინ გავრცელდა ინფორმაცია, რომ ქეცბაიას შეთავაზება აზერბაიჯანული “ნეფთჩიდანაც” ჰქონდა.

დღეს “ანორთოსისი” თავკაცს წლიურად 270 ათას ევროს უხდის.