“რუსთავმა” “ვალენსიას” FIFA-ში ფინანსური დავა მოუგო
გიორგი მამარდაშვილი თბილისის “დინამოდან” “ვალენსიაში” 850 ათასი ევროს სანაცვლოდ გადავიდა, თუმცა “დინამოში” არცერთი მატჩი არ ჩაუტარებია და მისი ეროვნულ ლიგაში დებიუტი “რუსთავის” შემადგენლობაში შედგა.
სწორედ “რუსთავში” კარგი თამაშით გაითქვა სახელი. მაგალითისთვის, “დინამოდან” რუსთავში გადასვლისას 25 ათასი ევრო ღირდა, დაბრუნებისას კი 250 ათას ევროდ იყო შეფასებული.
შესაბამისად, “რუსთავმა” მოითხოვა მისი აღზრდისთვისა და გუნდში ვარჯისთვის კომპენსაცია “ვალენსიასგან”, რაც საერთაშორისო სამართლით მიღებული ფაქტია.
“რუსთავმა” FIFA-ში “ვალენსიას” წინააღმდეგ დავა წამოიწყო და როგორც SilaLawCompany წერს, FIFA-ს მსაჯულთა პალატამ გამარჯვება “რუსთავს” მიაკუთვნა, რომელიც ესპანური გუნდისგან კომპენსაციას მიიღებს.
ჯერჯერობით კლუბებს ოფიციალური კომენტარი არ გაუკეთებიათ.
FIFA Dispute Resolution Chamber decided in favor of the FC Rustavi (Georgia) in a dispute to recover training compensation and solidarity contribution from FC Valencia (Spain) for the player Giorgi Mamardashvili: https://t.co/u5g630WyYl pic.twitter.com/uZ7iQb4XZS
— SILA International Lawyers (@LawyersSila) June 7, 2022
