რამდენ მილიონს მიიღებს ბათუმი ხვიჩა კვარაცხელიას ტრანსფერისგან?
ხვიჩა კვარაცხელია “ნაპოლის” ოფიციალურად 1-ელ ივლისს შეუერთდა.
ახლა მთავარი საკითხი ისაა, თუ რეალურად რამდენი გადაიხადა “ნაპოლიმ” ხვიჩას სანაცვლოდ და რამდენს მიიღებს აქედან ბათუმის “დინამო”.
მამუკა ჯუღელის განცხადებით, ეს ყაზანის “რუბინის”, “დინამოსა” და მოსკოვის “ლოკომოტივის” შეთანხმების საგანია და ის ამაში არ ერევა.
გარდა ამისა, ჯერჯერობით, ჯუღელის თქმით, მას ტრანსფერიდან აგენტის საკომისიო არ მიუღია და თუნდაც რამე რომ ვერ მიიღოს, მხოლოდ ხვიჩას იტალიაში წასვლით კმაყოფილი იქნება.
ცნობილი ინფორმაციით, “რუბინსა” და “დინამოს” შორის შეთანხმებაა და რადგან ევროპული გუნდები რუსულ გუნდებს ფულს არ გადაუხდიდნენ, საქმეში ბათუმი ჩაერთო და სწორედ ამის შემდგომ მოხერხდა კონტრაქტის გაწყვეტა.
იტალიელი ჟურნალისტების ცნობით, “ნაპოლიმ” ქართველში 10 მილიონი ევრო გადაიხადა. სავარაუდოდ, ამ თანხის მესამედს ბათუმელები მაინც მიიღებენ.
არჩილ ბერიძე ამ ინფორმაციას კონფიდენციალურს უწოდებს.
