30 ათასი ევროდან კვირაში 70 ათასამდე, მაგრამ მაინც ცუდი კონტრაქტი?!

იტალიური მედიის ინფორმაციით, სერია A-ს საუკეთესო ფეხბურთელი ხვიჩა კვარაცხელია “ნაპოლისთან” ახალ კონტრაქტს გააფორმებს, რომლის მიხედვით, მისი ხელფასი 1.5 მილიონი ევროდან 2.5 მილიონ ევრომდე ავა.

გარდა ამისა, ბონუსებით შეეძლება 4 მილიონ ევრომდეც გამოიმუშავოს.

კონტრაქტის დეტალების გამჟღავნების შემდეგ, გულშემატკივარს კვარას ჰონორარის რაოდენობა ნამდვილად ეცოტავა. დაუწუნეს აგენტიც. როცა მსოფლიოს ტოპ 10 საუკეთესო ფეხბურთელში შედიხარ, მაშინ ასეთი რეაქცია ნამდვილად ლოგიკურია.

აღნიშნეს ისიც, რომ პრემიერ ლიგაში ქართველს სულ მცირე ორჯერ მეტი ექნებოდა. თან, ახალ ხელშეკრულებაში გამოსასყიდი თანხა არ ჩაიწერება და 2028 წლამდე იქნება გათვლილი.

კვარაცხელია “რუბინში” დაახლოებით 30 ათას ევროს იღებდა ბონუსების გარეშე, თუმცა ახლა სხვა დრო და სხვა რეალობაა…