აბიდალი ევროპას აფრთხილებს: “მბაპე 120 მილიონი ფუნტი არ ღირს”
ერიკ აბიდალმა, რომელიც ახლახან წარადგინეს “ბარსელონას” ელჩის თანამდებობაზე, “მონაკოს” ლიდერსა და წლევანდელი წლის მთავარ აღმოჩენაზე, კილიან მბაპეზე ისაუბრა, რომლის გადაბირებითაც ევროპის თითქმის ყველა დიდი კლუბია დაინტერესებული.
“მბაპე ნამდვილად კარგი ფეხბურთელია, მაგრამ მისი ფასი, 120 მილიონი ნამდვილად შეუფერებელი, ძალიან დიდია.
ჩემის აზრით, ის “მონაკოში” უნდა დარჩეს და მთელ მსოფლიოს უნდა დაუმტკიცოს, რომ უმაღლეს დონეზე თამაში შეუძლია.
მას საკმაოდ რთული გადაწყვეტილების მიღება მოუწევს და ამ დროს სათამაშო პრაქტიკაზეც უნდა იფიქროს, რადგანაც წინ მსოფლიო ჩემპიონატი ელის,” – აცხადებს აბიდალი Cadena Ser-თან საუბრისას.
“როდესაც პოგბას სანაცვლოდ 100 მილიონს იხდიან, შემდეგ სხვები იძულებულნი ხდებიან, უფრო ნიჭიერი ფეხბურთელის გადაბირებისთვის 200 მილიონი გადაიხადონ, რაც ნამდვილად ასტრონომიური ფასია,” – დაამატა მან.
