აგენტი: “იმედია, ბეილი “რეალში” აღარ დაბრუნდება, იქ მას არ აფასებდნენ”

თარიღი: სექტემბერი 22, 2020

მადრიდის “რეალის” თავდამსხმელი, გარეტ ბეილი, 2020/21 წლების სეზონს ლონდონის “ტოტენჰემში” გაატარებს. შეგახსენებთ, რომ უელსელი შემტევი მსოფლიომ სწორედ “სპურსში” თამაშისას გაიცნო (2007-13 წლები).

“იმედია, ბეილი “რეალში” აღარ დაბრუნდება. გარეტი იმდენად წარმატებული იქნება “ტოტენჰემში”, რომ კლუბი მის გამოსყიდვას მოინდომებს. ვიმედოვნებ, რომ ბეილი ფეხბურთის მიმართ სიყვარულს კვლავ იგრძნობს.

ვთვლი, რომ ბეილს მადრიდში სათანადოდ არ აფასებდნენ და არასწორად ექცეოდნენ. იმ ფეხბურთელს, რომელსაც შვიდი წელი აქვს გატარებული კლუბთან ერთად და ამდენის მოგება შეძლო, გაცილებით მეტად უნდა აფასებდნენ,” – აცხადებს ჯონათან ბარნეტი.



მსგავსი სიახლეები