აგენტი: “პასტორე იანვარში პარიზში რჩება”

არგენტინელი ფეხბურთელის წარმომადგენელი თავისი კლიენტის შესახებ საუბრობს.

მოგეხსენებათ, მედიაში არსებობდა ინფორმაცია იმასთან დაკავშირებით, რომ შეიძლებოდა, უახლოესი ზამთრის სატრანსფერო ფანჯრის პერიოდში, ხავიერ პასტორეს სამუშაო ადგილი შეეცვალა.

“იანვარში პასტორეს სხვა კლუბში წასვლა გამორიცხულია”, – განაცხადა ფეხბურთელის აგენტმა.

აღსანიშნავია, რომ 26 წლის შემტევი ნახევარმცველის მიმდინარე კონტრაქტი “პარი სენ ჟერმენის” ხელმძღვანელობასთან, 2019 წლამდეა ძალაში. პრესაში წერდნენ, რომ მისი შეძენა მიუნხენის “ბაიერნსა” და ლონდონის “ჩელსის” სურს.

აქვე გეტყვით იმასაც, რომ მიმდინარე სეზონში პასტორეს ანგარიშზე პსჟ-ს მაისურით ჩატარებული 15 მატჩი და ორი გატანილი ბურთია.