აგენტი: “სარი “ნაპოლისთან” ივნისში გაახანგრძლივებს”

“ნაპოლის” მთავარი მწვრთნელის აგენტი თავისი კლიენტის შესახებ საუბრობს.

“კლუბის პრეზიდენტმა აურელიო დე ლაურენტისმა თავისი პოზიცია ზუსტად განმარტა. მას მაურიციოსთან დადებითი ურთიერთობა აკავშირებს, აქედან გამომდინარე, ვფიქრობ, ახალი კონტრაქტის თაობაზე პრობლემები არ იქნება”, – აცხადებს სარის აგენტი ალესანდრო პელეგრინი.

“ამ ეტაპზე სარის ახალ ხელშეკრულებაზე საუბარი არ მსურს. ახლა მას კონცენტრაცია იტალიის ჩემპიონატის მიმდინარე სეზონზე სჭირდება. ივნისში კი მოლაპარაკებების მაგიდას მივუსხდებით და ყველაფერი გაირკვევა”, – დაასრულა პელეგრინიმ.

შეგახსენებთ, სარი ნეაპოლიტანურ კლუბს სათავეში სეზონის დასაწყისში ჩაუდგა. მხარეებს შორის ერთწლიანი ხელშეკრულება გაფორმდა. სერია ა-ს 12 ტურის შემდეგ მისი გუნდი ცხრილში მეოთხე ადგილს 25 ქულით იკავებს.