აგუერო: „არგენტინას მუნდიალზე გაუჭირდება“

არგენტინის ეროვნული ნაკრების შემტევმა სერხიო აგუერომ ბრაზილიაში ჩასატარებელ მსოფლიოს ჩემპიონატზე ისაუბრა.

„მოახერხებს თუ არა არგენტინა მსოფლიოს ჩემპიონატის მოგებას? რატომაც არა? ლიონელ მესის სახით ჩვენ პლანეტის საუკეთესო ფეხბურთელი გვყავს, მისი წყალობით საკვალიფიკაციო ეტაპი უპრობლემოდ დავძლიეთ. ასევე, შემიძლია, სხვა თავდამსხმელებიც შევაქო. იმის გათვალისწინებით, თუ როგორი შუა ხაზი გვყავს, მე და ლავეცი, შევეცდებით, რაც შეიძლება მეტი გოლი გავიტანოთ.

ჯგუფში ბოსნია-ჰერცეგოვინასთან, ირანთან და ნიგერიასთან ვითამაშებთ. ნიგერია აფრიკის მოქმედი ჩემპიონია, ირანი კი ჩინებულ ფეხბურთს აჩვენებს. რაც შეეხება ბოსნიელებს, მათთვის ეს პირველი მუნდიალი იქნება, ამიტომაც რაიმე პროგნოზის გაკეთება რთულია. ვფიქრობ, ადვილი გასეირნება არ გველის“, – განაცხადა აგუერომ.

ალექსანდრე მატევოსოვი