აგუერო: “ფრანგული მედია მესის კლავს”

არგენტინის ნაკრების ყოფილი თავდამსხმელი სერხიო აგუერო თვლის, რომ ჟურნალისტები “პარი სენ-ჟერმენის” ფორვარდ ლიონელ მესის უსაფუძვლოდ აკრიტიკებენ.

“ფრანგული მედია მესის კლავს. ლეო კარგად თამაშობს. ისინი მატჩებს ზურგით უყურებენ? ლეო დანარჩენებზე ყოველთვის ხუთი თავით უკეთ თამაშობს”, – ციტირებს აგუეროს სიტყვებს “ლეკიპი”.

შეგახსენებთ, რომ ლიონელ მესი “პარი სენ-ჟერმენში” “ბარსელონადან” 2021 წლის ზაფხულში გადავიდა. 34 წლის არგენტინელმა ფეხბურთელმა საფრანგეთის ჩემპიონატის მიმდიანრე გათამაშებაში ჩატარებულ 14 შეხვედრაში ორი გოლი გაიტანა და რვა შედეგიანი გადაცემა მიითვალა.