აჯუნმა პირობა შეასრულა – “საჩუქარი” “ჰალ სიტის” ფანებს

“ჰალ სიტის” თურქმა მფლობელმა აჯუნ ილიჯალიმ თავისი პირობა შეასრულა და 22 თებერვალს “ბარნსლისთან” გასამართი მატჩის წინ გუნდმა გულშემატკივრებს ბილეთებზე სპეციალური ფასები შესთავაზა.

65 წელს ზემოთ და 16-წელს ქვემოთ პირები ბილეთის ყიდვა 2 ფუნტად შეეძლებათ. უფროსებისთვის 27 ფუნტია, 16-დან 22 წლამდე გულშემატკივრები თამაშზე დასწრებას 15 ფუნტად შეძლებენ.

გარდა ამისა, კლუბის წევრებს, რომლებთაც აბონემენტი აქვთ შეძენილი, შეუძლიათ 2 ფუნტის სანაცვლოდ დამატებით 1 ფანი შეიყვანონ.

“ჰალ სიტის” ყიდვამდე ილიჯალმა პირობა დადო, რომ გულშემატკივარს მოედანზე დააბრუნებდა. “ახალი ერა” – ასე ქვია აჯუნის პროექტს “სიტიში”.