ახალი მწვრთნელების წარდგენა

თარიღი: ნოემბერი 7, 2016

ნოემბრის ტესტების პირველ მატჩამდე ერთი კვირით ადრე საქართველოს რაგბის კავშირის პრეზიდენტმა გოჩა სვანიძემ, ბორჯღალოსნების მთავარმა მწვრთნელმა მილტონ ჰეიგმა და მისმა ასისტენტმა ლევან მაისაშვილმა შევარდენის სანაკრებო ბაზაზე გამართულ პრესკონფერენციაზე საზოგადოებას სამწვრთნელო შტაბის ორი ახალი წევრი წარუდგინა.

 

ორივე ავსტრალიელია – შერკინების მწვრთნელი ბრედ ჰარისი და ხაზის კონსლუტანტი, ცნობილი სპეციალისტი რიჩარდ გრემი, რომელიც ბორჯღალოსნებს ოკეანეთის ტურნეშიც ეხმარებოდა. აღსანიშნავია, რომ გარდა უშუალო მოვალეობისა, ორივე სპეციალისტი ჩაერთვება საქართველოს ახალგაზრდული ნაკრებების და სარაგბო აკადემიის საქმიანობაში, რაც ქართულ რაგბის დიდ წარმატებას მოუტანს.

 

პრესკონფერენცია გოჩა სვანიძემ გახსნა: „მინდა წარმოგიდგინოთ ბორჯღალოსნების ორი ახალი მწვრთნელი – რიჩარდ გრემი ყველასათვის კარგადაა ცნობილი. ის სხვადასხვა დონეზე წარმატებით მოღვაწეობდა და ივნისში, ოკეანეთის წარმატებულ ტურნეზე, წარმატებით თანამშრომლობდა საქართველოს ნაკრებთან. ბრედ ჰარისი შედარებით ახალი სახეა, თუმცა ის გუნდს კარგად მოერგო და დარწმუნებული ვარ, მათთან ერთად ქართული რაგბი კიდევ უფრო წინ წავა.

 

“გარდა ნაკრებისა, ორივე მათგანი დახმარებას გაუწევს ახალგაზრდულ ნაკრებებს და რაგბის აკადემიას, ახალგაზრდა მწვრთნელებს, რაც მნიშვნელოვანია. ჩვენი მიზანი ერთი კონკრეტული თამაშის მოგება კი არა, სარაგბო ელიტაში შესვლა და იქ დამკვიდრებაა. ამას სისტემური მიდგომა ჭირდება და დარწმუნებული ვარ, ამ ორი ადამიანის გამოცდილების გაზიარებით, მიზნის მიღწევა უფრო ადვილი იქნება“.

 

ბორჯღალოსნების თავკაცმა მილტონ ჰეიგმა იმ მიზეზებზე ისაუბრა, რის გამოც არჩევანი ავსტრალიელებზე შეაჩერა: „დავეთანხმები ბატონ გოჩას და ვიტყვი, რომ ოკეანეთის წარმატებულ ტურნეში რიჩის წვლილი უდიდესია. მის გარეშე ასეთი შედეგის მიღწევა გაგვიჭირდებოდა. წინ რთული ნოემბერი გველის – სამი ურთულესი შეხვედრა უძლიერეს კონკურენტებთან და თუ გვსურს წარმატებული სვლა გავაგრძელოთ, გუნდში ძლიერი მწვრთნელების ყოლა აუცილებელია. ისინი ხელს შეუწყობენ ჩვენს ტექნიკურ განვითარებას და მე და ლევანს დიდ დახმარებას გაგვიწევენ.

 

“გაგვიმართლა და კარგია ორი ასეთი დონის მწვრთნელებმა ჩვენთან მუშაობისთვის დრო რომ გამონახა. ბრედს ავსტრალიის ნაციონალურ ჩემპიონატში და სუპერ რაგბის ‘ბრამბისის’ მეორე გუნდთან მუშაობის დიდი გამოცდილება აქვს. ის ჩვენი მორკინალების თამაშის ტექნიკურ მხარეს გააძლიერებს.

 

“რიჩარდს ‘სარასენსში’ ედი ჯოუნზთან მუშაობის გამოცდილება აქვს. გარდა ამისა, ის სუპერ რაგბში ‘რედსსა’ და ‘ვესტერნ პროვანსში’ მუშაობდა და ზურგს უზარმაზარი სანაკრებო გამოცდილებაც უმაგრებს. მათი გამოცდილება და ცოდნა, სიახლეები, რასაც ისინი ჩვენს გუნდში შემოიტანენ, აუცილებლად დაგვეხმარება განვითარებაში და უკეთ გახდომაში.

 

‘მინდა ხაზი გავუსვა, რომ გარდა კარგი სპეციალისტებისა, ბრედი და რიჩარდი კარგი ადამიანები არიან. მათ პირველივე დღიდან გაითავისეს ჩვენი გუნდის, მენტალობა, ფასეულობები და მოთამაშეებთან მარტივად გამონახეს საერთო ენა. ამრიგად, გარდა კარგი სპეციალისტებისა, ჩვენი გუნდი ორი კარგი ადამიანითაც გაძლიერდა“.

 

ბრედ ჰარისი: „ჩემთვის დიდი პატივია რომ მომეცა შესაძლებლობა მემუშავა საერთაშორისო დონეზე და საქართველოს ნაკრებში. ქართული შერკინების ძალა მთელი მსოფლიოსთვისაა ცნობილი და ნოემბრის ტესტებისთვის რაიმე განსაკუთრებული ცვლილებების შეტანას არ ვაპირებ. მორკინალებთან ტექნიკური მხარეების და სისტემების გაუმჯობესებაზე ვიმუშავებ, როგორებიცაა შერკინება, დერეფანი, რაქი და მიწაზე თამაში. რა თქმა უნდა იქნება ინდივიდუალური მუშაობებიც“.

 

რიჩარდ გრემი: „ნებისმიერმა ადამიანმა, რომელიც უყურებს რაგბს, იცის თუ რას წარმოადგენს საქართველოს ნაკრები. ჩემთვის დიდი პატივი იყო, როდესაც მილტონ ჰეიგი დამიკავშირდა და მომცა ამ გუნდთან მუშაობის შესაძლებლობა. მე ბორჯღალოსნებთან ერთად ერთი თვე გავატარე ოკეანეთის ტურნეზე და კარგად შევიცანი ქართველი მორაგბეების მენტალური მხარე. ჩემი მიზანია, რომ გავაუმჯობესო ქართველი უკანახაზელების თამაშის ხარისხი, როგორც შეტევაში, ასევე დაცვაში და დავამყაროთ ბალანსი მორკინალებსა და ხაზის მოთამაშეებს შორის, რათა ვითამაშოთ ბოლომდე 15-კაცა რაგბი.

 

“მილტონთან ბევრს საუბრობდი იმ სისტემაზე, რაზეც აწყობილია საქართველოს ნაკრები. ასევე, ბევრს ვსაუბრობდი ლევანთან, რათა გამეგო როგორია ნაკრების ხედვა ადგილობრივი მწვრთნელის მხრიდან, როგორია შიდა პირველობა. ამ ყველაფრის შემდეგ, მე უკვე ვიცი როგორ შეიძლება ჩემს მიერ დასახული გეგმების განხორციელება“.

 

ლევან მაისაშვილი: „ორივე მწვრთნელი ძალიან კარგი, უშუალო ადამიანია. რიჩარდთან ოკეანეთის ტურნეზე ერთი თვე გავატარე. იშვიათად მინახავს უცხოელი ბიჭებთან ურთიერთობაში ასე მარტივად შესულიყოს. ბრედი შედარებით ახალი ჩამოსულია და უმოკლეს დროში აუღო ალღო ჩვენს სპეციფიკას. მათი პიროვნული თვისებები და გუნდური მუშაობის პრინციპები კარგადაა შერწყმული. ამ ეტაპზე კმაყოფილები ვართ, ორივე მაღალი დონის სპეციალისტია  და დანარჩენს დრო გვიჩვენებს“.

 

დოსიე

 

ბრედ ჰარისი – სამწვრთნელო კარიერა 11 წლის წინ ირლანდიაში დაიწყო, როდესაც რაგბის კლუბ ‘ნევენის’  მწვრთნელადდაინიშნა და კლუბის 85-წლიან ისტორიაში პირველად, ‘ოლ აირლანდ ლიგში’ (ახლა ცნობილია როგორც ‘ალსთერბანკ ლიგი’) გუნდის აყვანა შეძლო. შემდეგ დაბრუნდა ავსტრალიაში, სადაც კანბერა ‘ვაიკინგსში’ ჯერ დუბლიორებს წვრთნიდა, ხოლო შემდეგ სამწრთნელო პროგრამის ხელმძღვანელადდაინიშნა, მოგვიანებით კი, პირველი გუნდის მწვრთნელი გახდა. იგი ასევე წვრთნიდა სუპერ რაგბის ავსტრალიური ფრანჩიზის, ბრამბიზის ‘ა’ გუნდს. 2015 წელს ავსტრალიელმა ბარბაროსების ახალ ზელანდიურ ტურნეში დამხმარე მწვრთნელად მიიღო მონაწილეობა. ამ გუნდებში მის სამწვრთნელო პროგრამის უმნიშვნელოვანეს როლს შერკინების მწვრთნელობა წარმოადგენდა, ხოლო 2016 წელს იგი NRC-ის (National Rugby Championship – სარაგბო ეროვნული პირველობის უმაღლესი ლიგა, რომელიც სუპერ რაგბის შემდეგ სიდიდით მეორეა ავსტრალიაში) ‘ქანთრი იგლზის’ შერკინების მწვრთნელად დაინიშნა.

 

რიჩარდ გრემი – მან ბორჯღალოსნებთან პირველად წლევანდელი ოკეანეთის ტურნეს დროს იმუშავა, როდესაც მილტონ ჰეიგს უკანა ხაზის გაწვრთნაში ეხმარებოდა. რაგბის მოყვარულთათვის იგი კარგადაა ნაცნობი, ვინაიდან წლების განმავლობაში სუპერ რაგბის ავსტრალიური ‘რედსისა’ და ‘ვესთერნ პროვანსის’ თავკაცი იყო, თუმცა სამწვრთნელო დებიუტი ევროპაში ჰქონდა –  2002 წლიდან 2006 წლამდე პრემიერშიპის ‘ბასში’ დამხმარე მწვრთნელი იყო. შემდეგ იგი ‘სარასენსში’ გადავიდა, სადაც ედი ჯონზის ასისტენტი იყო, ბოლოს კი, მთავარ მწვრთნელად დაინიშნა. 2009-2010 წლებში გრემი ვოლაბების უნარების მწვრთნელად მუშაობდა, ხოლო შემდეგ, როგორც ზემოთ ავღნიშნეთ, კარიერა სუპერ რაგბში გააგრძელა.

 

რიჩარდ გრემი ნოემბრის ტესტებისთვის ბორჯღალოსნების სამწვრთნელო შტაბს ხაზისა და დაცვის საკითხებში, კონსულტანტის სტატუსით დაეხმარება. მის მოვალეობებში შევა მთავარი მწრვთნელის დახმარება ტესტ მატჩებისთვის შესაბამისი სტრატეგიის შერჩევისას, დაცვის და ხაზის მწვრთნელების დახმარება.

Rugby.Ge

მსგავსი სიახლეები
რაგბი

არტემიევი: “საქართველოსთან თანაბრად ბრძოლისთვის მზად ვართ”

რუსეთის მორაგბეთა ნაკრების ლიდერმა, ვასილი არტემიევმა საქართველოსთან გამართული მატჩი შეაფასა და თქვა, რომ მისი გუნდი […]...
წაკითხვა
რაგბი

ვალერი მოროზოვი: “საქართველოს ნაკრები უნდა დაგვემარცხებინა”

რუსეთის მორაგბეთა ნაკრების წევრმა, ვალერი მოროზოვმა საქართველოსთან გამართული შეხვედრა შეაფასა და თქვა, რომ მის გუნდს […]...
წაკითხვა
რაგბი

ირაკლი აბუსერიძემ რაგბის კავშირის პრეზიდენტად რეგისტრაციაზე საჯარო რეესტრისგან უარი მიიღო

საქართველოს რაგბის კავშირს პრეზიდენტი ისევ არ ჰყავს. საჯარო რეესტრმა კიდევ ერთხელ განიხილა ირაკლი აბუსერიძის მიმართვა, […]...
წაკითხვა
რაგბი

მერაბ შარიქაძე: ‘რუსეთთან თამაშისას იმხელა პასუხისმგელობას ვგრძნობთ, რომ ეს ხელს გვი

საქართველოს მორაგბეთა ნაკრების კაპიტანმა, მერაბ შარიქაძემ რუსეთთან გამარჯვების (16:7) შემდეგ კომენტარი გააკეთა. “მე რაც მაქვს […]...
წაკითხვა
რაგბი

ლევან მაისაშვილი: “იმის საფრთხე, რომ ეს თამაში წაგვეგო, არცერთ ეტაპზე არ იდგა”

საქართველოს მორაგბეთა ეროვნული ნაკრების მთავარმა მწვრთნელმა, ლევან მაისაშვილმა რუსეთთან გამარჯვების (16:7) შემდეგ პრესკონფერენცია გამართა. “რა [...
წაკითხვა
რაგბი

“მიმაჩნია, რომ კარგად ვითამაშეთ” – რუსეთის ნაკრების მწვრთნელი საქართველო

რუსეთის მორაგბეთა ნაკრების მთავარმა მწვრთნელმა, ლინ ჯონსმა რაგბი ევროპის ჩემპიონატის მატჩში, საქართველოსთან მარცხის (16:7) შემდეგ […]...
წაკითხვა
რაგბი

‘თუ საქართველოს დავამარცხებთ, პუტინმა გმირის წოდება უნდა მომანიჭოს’ – რუ

რუსეთის მორაგბეთა ნაკრების მთავარი მწვრთნელი, ლილ ჯონსი ხუმრობით აცხადებს, რომ თუ მისი გუნდი საქართველოს დამარცხებას […]...
წაკითხვა
რაგბი

გამარჯვებულმა მორაგბემ მსაჯი ხელში აიტაცა და წითლი ბარათი მიიღო (ვიდეო)

საფრანგეთის რანგით მეორე სარაგბო დივიზიონში ძალიან სახალისო მომენტი დაფიქსირდა. ბოლო წუთზე მოპოვებული ლელოს წყალობით გახარებულმა […]...
წაკითხვა
რაგბი

ოფიციალურად: ლაშა ჯაიანი “უოსპსში” ითამაშებს!

ბორჯღალოსანი მეორეხაზელი ლაშა ჯაიანი ინგლისში დაბრუნდება და კარიერას პრემიერშიფის “უოსფსში” გააგრძელებს. “უოსფსი” 153 წლის წინ...
წაკითხვა
რაგბი

ნიკა ამაშუკელი – პირველი ქართველი რეფერი, რომელიც ჩემპიონთა თასზე იმსაჯებს

ნიკა ამაშუკელი გახდება პირველი ქართველი რეფერი, რომელიც ევროპის უძლიერეს საკლუბო ტურნირზე, ჩემპიონთა თასზე იმსაჯებს. 17 […]...
წაკითხვა
რაგბი

საჯარო რეესტრმა ირაკლი აბუსერიძეს პრეზიდენტად რეგისტრაციაზე უარი უთხრა

საჯარო რეესტრის ეროვნულმა სააგენტომ ირაკლი აბუსერიძეს რაგბის კავშირის პრეზიდენტად რეგისტრაციაზე უარი განუცხადა. მიზეზად წესდების დარღვევით […]...
წაკითხვა
ბლოგი

2020 წლის 40 ყველაზე გამორჩეული სპორტული ფოტო

ფოტოსააგენტო Getty Images, Reuters-თან და AFP-სთან თანამშრომლობის შედეგად 2020 წლის 40 ყველაზე გამორჩეულ ფოტოს გვთავაზობთ. […]...
წაკითხვა
რაგბი

ზირაქაშვილი: “ეს იქნება სამარცხვინო… ყველამ საკუთარ თავში ჩაიხედოს”

საქართველოს ეროვნული ნაკრების ყოფილმა მორაგბემ დავით ზირაქაშვილმა რაგბის კავშირის არჩევნებთან დაკავშირებით ისაუბრა. ზირაქაშვილმა კიდევ ერთხელ [&hellip...
წაკითხვა
რაგბი

ჩხუბი საქართველოს ჩემპიონატში – მსაჯმა ორ მორაგბეს წითელი ბარათი უჩვენა (ვიდეო)

დღეს, საქართველოს დიდი 10-ის მეოთხე ტურის გადადებული შეხვედრა გაიმართა. ერთმანეთს “არმაზი” და “ყოჩები დაუპირისპირდნენ. მატჩი [&helli...
წაკითხვა
რაგბი

ირაკლი აბუსერიძე: “აგიხსნით, რატომ არის დღევანდელი დღე სამარცხვინო”

რაგბის კავშირის პრეზიდენტობის კანდიდატმა ირაკლი აბუსერიძემ 25 დეკემბერს გამართული გამგეობის კრებასთან დაკავშირებულ საკითხზე სოციალურ ქსელში […]...
წაკითხვა