ალან შირერმა ბლატერის გადადგომის შემდეგ იხუმრა
თარიღი: ივნისი 3, 2015
“ნიუკასლ იუნაიტედის” ლეგენდარულმა თავდამსხმელმა ალან შირერმა ფიფას პრეზიდენტის პოსტიდან იოზეფ ბლატერის გადადგომის შემდეგ გაიხუმრა.
“კარგი ამბავია ის, რომ ბლატერი მიდის. ცუდი ამბავია ის, რომ გავიგე, ბლატერი “ნიუკასლს” ჩაიბარებს”, – დაწერა სოციალურ ქსელში შირერმა.
შეგახსენებთ, რომ ზეპ ბლატერმა ფიფას ხელმძღვანელის პოსტის დატოვების შესახებ განცხადება გუშინ გააკეთა.
ფიფას რიგგარეშე კონგრესი მიმდინარე წლის დეკემბრიდან 2016 წლის მარტამდე არსებულ პერიოდში ჩატარდება და ახალ პრეზიდენტსაც დროის ამ მონაკვეთში აირჩევენ. მანამდე ფიფას კვლავ ბლატერი უხელმძღვანელებს.
შეგახსენებთ, რომ ზეპ ბლატერი ფიფას 1998 წლიდან უდგას სათავეში. 29 მაისს ის მსოფლიო ფეხბურთის მმართველი ორგანოს პრეზიდენტად მეხუთე ვადით აირჩიეს.
მსგავსი სიახლეები