ალეგრი: “ჩემი გუნდით ვამაყობ, მაგრამ ბოლოს უკეთ უნდა გვეთამაშა”
თარიღი: მარტი 17, 2016
უეფას ჩემპიონთა ლიგის მერვედფინალურ ეტაპზე მიუნხენის “ბაიერნსა” და ტურინის “იუვენტუსს” შორის გამართული საპასუხო მატჩის ძირითადი დრო ფრედ, ანგარიშით 2:2 დასრულდა, დამატებით ტაიმებში კი ბავარიელებმა ორი გოლი გაიტანეს და მეოთხედფინალში თამაშის უფლება მოიპოვეს.
მატჩის შესახებ “ბებერი სინიორას” მთავარმა მწვრთნელმა მასიმილიანო ალეგრიმ ისაუბრა.
“ჩემს ფეხბურელებს მადლობას ვუხდი. ჩვენ ვაჩვენეთ, რა შეგვიძლია. პირველ ტაიმში “იუვენტუსმა” უკეთ ითამაშა. რას იზამ, ფეხბურთი ასეთია. სიტუაცის ვერ გავუმკლავდით და ბოლო წუთებში გოლი გავუშვით. ძალზედ სამწუხაროა. კი ბატონო, ჩემი გუნდით ვამაყობ, მაგრამ ამ ბოლო ეპიზოდმა… უბრალოდ ბურთი უნდა დაგვეჭირა”, – ციტირებს ალეგრის სიტყვებს TMW.
მსგავსი სიახლეები