ალეგრი მორატას გაუჯავრდა
თარიღი: ნოემბერი 4, 2015
ტურინის “იუვენტუსის” მთავარი მწვრთნელი მასიმილიანო ალეგრი ჩემპიონთა ლიგის ჯგუფურ ეტაპზე მიუნხენგლადბახის “ბორუსიას” წინააღმდეგ წუხელ გამართულ მატჩში (1:1) ალვარო მორატას საქციელმა გააღიზიანა.
შეხვედრის მიმდინარეობისას არბიტრმა ესპანელი ფეხბურთელი ეკიპირების მოსაწესრიგებლად მოედნის მიღმა გაიყვანა, მორატას თავის წესრიგში მოსაყვანად სამი წუთი დასჭირდა, რამაც ალეგრი აღაშფოთა.
“ისინი უნდა გაიზარდნონ. არ შეიძლება მინდორს მიღმა სამი წუთი მხოლოდ იმიტომ დაჰყო, რომ წინდები გამოიცვალო. ეს მოდების ჩვენება არ არის. ძალზედ გაბრაზებული ვარ. კი ბატონო, ისინი ახალგაზრდა ფეხბურთელები არიან, მაგრამ რაღაც უნდა ესმოდეთ”, – ალეგრის კომენტარი “მარკამ” გამოაქვეყნა.
მსგავსი სიახლეები