ალეგრი: “პოგბას და ვიდალის თამაში მათ სათამაშო ფორმაზე იქნება დამოკიდებული”
“იუვენტუსთან” მატჩის წინ, მასიმილიანო ალეგრიმ “რომასთან” დაპირისპირებაზე და სხვადასხვა საკითხებზე ისაუბრა.
“ორშაბათს იქნება კარგი თამაში, ორ ტექნიკურ გუნდს შორის. “რომას” მსგავსად, ჩვენს გუნდშიცაა მცირეოდენი პრობლემები. ეს თამაშში დიდ გარდატეხას შეიტანს, მაგრამ არა მთავარს”.
25 ტურის შემდეგ, ამ ორ გუნდს შორის სხვაობა 9 ქულაა.
“რომასთან გამარჯვება აუცილებლად გვჭირდება. წინ კიდევ 13 ტურია, ასე რომ, არავინ არაფერი იცის, თუ რა მოხდება მომავალში, სატურნირო თვალსაზრისით”.
დედაქალაქელებთან მატჩის წინ, “იუვენტუსში” დანაკლისია. საეჭვოა არტურო ვიდალისა და პოლ პოგბას თამაში, ანდრეა პირლო ტრავმის გამო იუქმებს.
“ჩვენ უნდა შევამოწმოთ პოლ პოგბასა და არტურო ვიდალის მდგომარეობა. თუმცა, გვყავს მათი შემცვლელები – კლაუდიო მარკიზიო, სტეფანო შტურატო, სიმონე პადოინი. ახლა მნიშვნელოვანი მატჩები გვეწყება, ამიტომაც, საჭიროა ფიზიკურად კარგ მდგომარეობაში ვიყოთ,”-დაასრულა ალეგრიმ.
