ალეგრი: “ყველა მატჩს ანგარიშით 3:0 ვერ მოვიგებთ”
თარიღი: თებერვალი 21, 2015
იტალიის სერია A-ს 24-ე ტური ტურინის “იუვენტუსსა” და ბერგამოს “ატალანტას” შორის გამართული მატჩით გაიხსნა, რომელიც “ბებერი სინიორას” გამარჯვებით, ანგარიშით 2:1 დასრულდა.
შეხვედრა “იუვენტუსის” მთავარმა მწვრთნელმა მასიმილიანო ალეგრიმ შეაჯამა.
“მატჩი მძიმედ დავიწყეთ. “ატალანტა” თავს კარგად იცავდა, ჩვენ ვჩქარობდით და ამ სიჩქარეში შეცდომებს ვუშვებდით, რამდენიმე კონტრშეტევაც გამოგვრჩა. საჭირო იყო მოთმინება, რის შემდეგაც საგოლე მომენტების შექმნა დავიწყეთ და შანსი გამოვიყენეთ კიდეც.
ყველა მატჩს ანგარიშით 3:0 ვერ მოვიგებთ. მეტოქეები არ აპირებენ ჩვენთვის რამის იოლად დათმობას. თითოეული გუნდი ჩვენ წინააღმდეგ თავდაუზოგავად ირჯება”, – ალეგრის სიტყვები Football-italia-მ გამოაქვეყნა.
მსგავსი სიახლეები