ალეგრი: “წარმატება მთელი გუნდის დამსახურებაა”
იტალიელი სპეციალისტი თავისი გუნდის წარმატების შესახებ საუბრობს.
მოგეხსენებათ, უეფას ჩემპიონთა ლიგის ჯგუფური ეტაპის მეხუთე ტურის შეხვედრაში, “იუვენტუსმა” საკუთარ მოედანზე “მანჩესტერ სიტის” უმასპინძლა და მინიმალური უპირატესობით, ანგარიშით 1-0 დაამარცხა, რის შემდეგაც პლეი-ოფის საგზური გაინაღდა.
“თამაშით ძალიან კმაყოფილი ვარ. ბიჭებმა ბრწყინვალედ წარმოაჩინეს თავი. კარგია, რომ კარი მშრალად შევინახეთ. ეს მთელი გუნდის დამსახურებაა, რომელმაც ძლიერი მეტოქის წინააღმდეგ იმარჯვა”, – აცხადებს მასიმილიანო ალეგრი.
“სასტარტო შემადგენლობაში მორატას ნაცვლად მარიო მანჯუკიჩის გამოყვანა ორი დღის წინ მქონდა გადაწყვეტილი. მინდოდა, რომ მეორე ტაიმში, დაღლილი “ქალაქელების” წინააღმდეგ, დასვენებულ ალვაროს ეთამაშა”.
“ალექს სანდრომ ბრწყინვალე მატჩი ჩაატარა. ის შესანიშნავი იყო როგორც დაცვაში, ისე თავდასხმის ხაზში. სანდრო ნამდვილად კარგი შენაძენია”, – დაასრულა “იუვენტუსის” თავკაცმა.
