ალკასერი: “რეალთან” თამაშზე უფრო რთული “ატლეტიკოსთან” დაპირისპირებაა”

კატალონიური “ბარსელონას” ფორვარდი, პაკო ალკასერი თვლის, რომ მადრიდის “ატლეტიკო” “ბარსელონასთვის” უფრო რთული მეტოქეა, ვიდრე მადრიდის “რეალი”.

“მათთან (“ატლეტიკო” და “რეალი”) განსხვავებული ტიპის თამაშების ჩატარება გვიწევს. ბოლო დროს “ატლეტიკო” კარგად თამაშობს, ამიტომაც მათი დამარცხება უფრო რთულია.

ფაქტია, რომ სიმეონეს წინააღმდეგ თამაში ძალიან რთულია, ის ყოველთვის მოგებაზე ფიქრობს.” – განაცხადა ალკასერმა.

როგორც იცით, “ვალენსიას” ექს-ფორვარდს “ბარსელონას” მაისურით გოლების გატანა უჭირს, თუმცა მან იმედი გამოთქვა, რომ სადებიუტო გოლს ძალიან მალე გაიტანს:”ყოველთვის რთულია ადაპტაციის პროცესის გავლა. პირველი გოლის გატანა ყველას უნდა.

გოლის გატანა ყველა თავდამსხმელის სურვილია. ვთვლი, რომ თუ გოლები ვერ გაგაქვს, არ უნდა გაცხარდე და სიმშვიდე უნდა შეინარჩუნო. მჯერა, რომ გოლები აუცილებლად მოვლენ.”