“ამიენსა” და “ლილს” შორის გამართული შეხვედრა უცნაური მიზეზის გამო ჩაიშალა
გუშინ, საფრანგეთის ლიგა 1-ში “ამიენი” “ლილს” მასპინძლობდა. შეხვედრის მეთხუთმეტე წუთზე სტუმრების გოლის შემდეგ, მატჩი შეჩერდა საბოლოოდ კი, დელეგატის გადაწყვეტილებით, აღარც გაგრძელებულა.
ამის მიზეზი “ლილის” გულშემატკივრების სერიოზული დაზიანება გახდა. როდესაც მათმა გუნდმა ანგარიში გახსნა, ულტრასებმა ძალიან ემოციურად აღნიშნეს, საბოლოოდ კი, მათ ქმედებას ბარიკადების გადმონგრევა მოჰყვა.
ამ ყოველივეს შემდეგ 29 ადამიანი საავადმყოფოში გადაიყვანეს, მათგან ხუთი მძიმედ არის დაშავებული.
მატჩის დელეგატმა ნოელ მანინიომ განაცხადა:”მას შემდეგ, რაც ცნობილი გახდა, რომ ოცზე მეტი ადამიანია დაშავებულია და აქიდან 3 მძიმედ, ჩვენ მივიღეთ გადაწყვეტილება, რომ შეხვედრა შეწყდება.”
ამ მომენტში არ ვრცელდება არანაირი ინფორმაცია დაშავებულების შესახებ, არც ისაა ცნობილი თუ რა გადაწყვეტილებას მიიღებს საფრანგეთის ფეხბურთის ფედერაცია ამ მატჩის შესახებ.
