‘ამსტერდამ სევენსის’ ქრონიკები

‘ამსტერდამ სევენსი’ დასრულდა და მეორე ეშელონის თასი ბიჭებს თბილისში მოაქვთ. მართალია, 7-კაცა I დონეზე სათამაშოდ გაემგზავრა, მაგრამ ერთი თამაშის წაგების გამო, ბიჭებმა მხოლოდ II დონეზე შეძლეს მონაწილეობის გაგრძელება.

რაც შეეხება 7-ქალას, გოგონებმა რამდენიმე თამაშის მოგება ვერ შეძლეს და ფინალში გასვლის შანსიც ვერ მოიპოვეს, თუმცა ამსტერდამის პრესტიჟულ ტურნირში მონაწილეობა, ევროპის ჩემპიონატის „ა“ დივიზიონისკენ მიმავალ გზაზე, მათთვის უდიდესი გამოცდილება იყო. მზადებამ მართლაც წარმატებით ჩაიარა, რადგანაც გოგონებს გათამაშება საკმაოდ ძლიერ გუნდებთან მოუწიათ.

7-ქალა

7-ქალას პირველი თამაში ‘სუზის ლეიდის’–ის წინააღმდეგ ჩვენი გოგონების დამარცხებით დამთავრდა(0:26), ვერც პარიზელ გოგონებს შეებნენ სათანადოდ და მათთანაც  5:19 დათმეს. ტურნირის პირველი დღე ნამდვილად წარუმატებელი გამოდგა და მესამე თამაშიც დიდი სხვაობით დასრულდა –  ‘მეფელ ლიფსმა’ 50 ქულით გვძლია (0:50).

მეორე დღე გოგონებმა სულ სხვა შემართებით დაიწყეს და სამი თამაშიდან მხოლოდ ერთი დათმეს – რუმინელებთან ჭიდილი რთული გამოდგა, რის გამოც 12:15 წავაგეთ. თუმცა ორი მოგებული თამაში ‪’ნორვეგიელ ვიკინგეტებსა’ (7:5) და ‘დემბასთერ ლეიდისთან’ (33:5) დამაჯერებლად მოვიპოვეთ. მიუხედავად ამისა, 7-ქალამ ტურნირში მონაწილეობის გაგრძელება მაინც ვერ შეძლო და ნახევარფინალი სხვებს დაუთმო.

7-კაცა

7კაცას პირველი რკენა ‪’ჰელს ბელსთან’ ჩვენი ბიჭების გამარჯვებით დასრულდა (53:0). ფრანგებთან გამართული მეორე თამაშიც არანაკლები წარმატებით ჩატარდა და‘ლორაინის’ წინააღმდეგ ჩვენმა ბიჭებმა 19:7 ითამაშეს. თუმცა ტურნირის პირველ დღეს სამიდან ერთი მაინც წავაგეთ – ‘გერმანია ‘ბ’ 12 : 10  7-კაცა. სწორედ ამის გამო იყო, რომ  პირველი ეშელონიდან მეორეში გადავინაცვლეთ და ფინალისთვის ბრძოლა მხოლოდ ამ დონეზე განვაგრძეთ.
თუმცა ბიჭების მოტივაცია ამას არ შეუსუსტებია და მეორე დღეს არც ერთი თამაში არ წაუგიათ. ‘გუილაინ ჰერდს’ 7:38 და ‘ბასქ ქანთრი 7’-ს 19:5 სძლიეს, რითიც ნახევარფინალის საგზური მოიპოვეს და არც იქ დაზოგეს თავები.
ბიჭებმა ‘ამსტელვიინს’ 36:5 მოუგეს და კიდევ უფრო გაზრდილი სხვაობით შეძლეს ფინალში  თასის დასაკუთრება იტალიური ‘ 3/4 დი-ემის’ 45:5 ძლევით. მოწინააღმდეგე გუნდი მილანის წვეულ  7-კაცა გუნდს წარმოადგენს, რომელიც ყოველწლიურად ევროპელ მორაგბეებს გუნდში სათამაშოდ უხმობს და იტალიის ერთ-ერთ საუკეთესო 7კაცად ითვლება.

ამრიგად დასრულდა ამსტერდამის არაოფიციალური სამოყვარულო ტურნირი. მეორე ეშელონის თასი ჩვენია. ‪‎7კაცა ‘ამსტერდამ სევენსის’ერთ-ერთი გამარჯვებული გახდა და ევროპის გრანპრის სერიებისთვის მოსამზადებელი ეტაპი უდაო წარმატებით დასრულდა.

Rugby.GE