ანჩელოტი: “გგონიათ, ყოველთვის მწვრთნელია დამნაშავე”?
მადრიდის “რეალის” ყოფილი თავკაცი კარლო ანჩელოტი აცხადებს, რომ მისთვის “სამეფო კლუბის” ხელმძღვანებლობის მიერ ბენიტესის თაობაზე მიღებული გადაწყვეტილება გაუგებარია.
შეგახენებთ, რომ სულ ცოტა ხნის წინ, “რეალმა” ფლორენტინო პერესი გაათავისუფლა, გუნდი კი ზინედინ ზიდანმა ჩაიბარა.
“რეალს” პრიმერა დივიზიონისა და ჩემპიონთა ლიგის მოგების შანსი ისევ ჰქონდა, თუმცა ფლორენტინო პერესმა ბენიტესის გაშვება გადაწყვიტა. ვიცი, რომ მწვრთნელს ყოველთვის შედეგს სთხოვენ და ეს ასეც უნდა იყოს, მაგრამ ამ ეტაპზე, ჩემთვის კლუბის მიერ მიღებული გადაწყვეტილება გაუგებარია. ბენიტესი გუნდს მხოლოდ ნახევარი სეზონის განმავლობაში ავარჯიშებდა. თქვენ გგონიათ, ყოველთვის მწვრთნელია დამნაშავე? ყველამ თავის შეცდომებზე უნდა იფიქროს.
ზიდანი? ჩვენ ერთად მართლაც კარგი დრო გავატარეთ. ის ჩემი დამხმარე იყო. ვფიქრობ, დრო ყველა კითხვაზე გაგვცემს პასუხს. ჩემი აზრით, ზიზუს შეუძლია, რომ გუნდს კარგად უხელმძღვანელოს. მე მას წარმატებებს ვუსურვებ”, – ციტირებს იტალიელი სპეციალისტის სიტყვებს abc.es.
