ანჩელოტი: “მინდა “ნაპოლი” იტალიური ფეხბურთის სათავეში მოვაქციო”

“ნაპოლის” ახალი მთავარი მწვრთნელი კარლო ანჩელოტი პრესასთან საუბრისას აღიარებს, რომ მისი მიზანი “ნეაპოლიტანური” კლუბის გაჩემპიონებაა. ამ განცხადებას ანჩელოტი “მილანთან” გასამართი მატჩის წინ აკეთებს.

“ძალიან მინდა “ნაპოლი” იტალიური ფეხბურთის სათავეში მოვაქციო,”- აცხადებს იტალიელი სეპციალისტი DAZN-თან საუბრისას.

“უპირველესყოვლისა, მინდოდა, იტალიაში დავბრუნებულიყავი და კვლავაც იტალიურად მესაუბრა. ამასთანავე, ძალან მომწონდა და მჯეროდა ამ კლუბის პროექტის.

გუნდში ძალიან ბევრი მაღალი დონის მოთამაშეა, თუმცა საუკეთესო ჯერაც არ გვინახავს. იმედი მაქვს, რომ ჩემი გამოცდილება უფლებას მომცემს მათ საბოლოო ნაბიჯის გადადგმაში დავეხმარო,” – დაამატა ანჩელოტიმ, რომლის მიმდინარე სეზონის პირველ ტურში საკმაოდ დაძაბულ ბრძოლაში დაამარცხა რომის “ლაციო”.