ანჩელოტი: “ვისაც ფეხბურთის თამაში შეუძლია, ადაპტაციისათვის დიდი დრო არ სჭირდება”
“ევერტონის” მთავარმა მწვრთნელმა, კარლო ანჩელოტიმ “ტოტენჰემთან” მოგებული მატჩის შემდეგ ახალწვეულის, ხამეს როდრიგესის შესახებ ისაუბრა.
როგორც იცით, 13 სექტემბერს “ევერტონმა” “ტოტენჰემი” სტუმრად 0:1 დაამარცხა. ხამესი ამ მატჩში ერთ-ერთი გამორჩეული იყო. ჟურნალისტმა ანჩელოტის შეკითხვა კოლუმბიელი შემტევის სისწრაფისა და ადაპტაციის პერიოდის შესახებ დაუსვა.
“ფეხბურთელს, რომელსაც ფეხბურთის თამაში შეუძლია, ადაპტაციისათვის დიდი დრო არ სჭირდება. ხამესმა იცის, რა უნდა გააკეთოს. ალანი და დუკურეც მსგავს სიტუაციაში არიან. ნახევარდაცვაში მაღალი დონის მოთამაშეები გასულ სეზონშიც გვყავდა, მაგრამ საჭიროა უბურთოთ მოძრაობა.
ხამესი მსოფლიოს ყველაზე სწრაფი ფეხბურთელი არ არის, მაგრამ ის მაღალი დონის მოთამაშეა. ის არ არის გარემარბი, მაგრამ შეუძლია ცენტრში შემოიწიოს, ბურთი მიიღოს, რის შემდეგაც ძალიან საშიში ხდება. მის ფიზიკურ ფორმაზე არ ვღელავ. ამაზე რომ ვღელავდე, უსაინ ბოლტს ვიყიდიდი და არა ხამეს როდრიგესს”, – ციტირებს ანჩელოტის სიტყვებს Goal.Com.
