ანჩელოტიმ არ იცოდა ფეხბურთელის შესახებ, რომელიც 11 წლის შემდეგ “ევერტონს” ტოვებს (ვიდეო)
ლივერპულის “ევერტონის” მთავარი მწვრთნელი კარლო ანჩელოტი უხერხულ მდგომარეობაში აღმოჩნდა. იტალიელი სპეციალისტი ჟურნალისტების კითხვებს პასუხობდა, ერთ-ერთმა მათგანმა კი ასეთი შეკითხვა დასვა:
“იტყოდით თუ არა რაიმეს ლიუკ გარბეტის შესახებ, რომელიც კლუბს ტოვებს. მან აქ 11 წელიწადი დაჰყო. რატომ გადაწყვიტეთ მისი გაშვება?”
კარლო ანჩელოტისთვის ეს შეკითხვა მეტად მოულოდნელი გამოდგა: “ვინ?”
როგორც აღმოჩნდა, იტალიელმა სპეციალისტმა ამ ფეხბურთელის შესახებ არაფერი იცოდა.
ლიუკ გარბეტი ნაწილობრივ “ევერტონის” აღზრდილია. ის მერსისაიდული გუნდის სიტემაში 2009 წლიდან ირიცხება, მთავარ გუნდში კი 2011 წელს გადავიდა, თუმცა მას შემდეგ თითქმის მთელი პერიოდი იჯარის წესით სხვადასხვა კლუბებში გაატარა. ერთი კვირის წინ ცნობილი გახდა, რომ გარბეტი ამ სეზონის ბოლოს “ევერტონს” დატოვებს.
“Who?” 🤨
Carlo Ancelotti was taken by surprise when asked why Luke Garbutt was leaving Everton after 1⃣1⃣ years at the club…👀 pic.twitter.com/uQttkki2Lx
— Sky Sports Premier League (@SkySportsPL) June 30, 2020
