ანჩელოტიმ სეზონის პირველი “ელ კლასიკოს” წინ პრესკონფერენცია გამართა
24 ოქტომბერს “კამპ ნოუ” სეზონის პირველ “ელ კლასიკოს” უმასპინძლებს. ლა ლიგის ყველაზე პრესტიჟულ დაპირისპირებამდე მადრიდის “რეალის” თავკაცმა, კარლო ანჩელოტიმ, პრესკონფერენცია გამართა.
“ელ კლასიკო” განსაკუთრებული მატჩია. ყველა ქვეყანას აქვს თავისი განსაკუთრებული საფეხბურთო დაპირისპირებები, მაგალითად “ინტერი” – “მილანი”, “ჩელსი” – “ტოტენჰემი”, “ბაიერნი” – “დორტმუნდი”.
“კლასიკო” ესპანეთში ძალიან მნიშვნელოვანი მოვლენაა, ფანებისთვის ეს ყველაზე მნიშვნელოვანი რამ არის. ეს ერთი რიგითი მატჩი არ არის. ამ შეხვედრისთვის განსაკუთრებული სიმშვიდით და კონცენტრაციით ვემზადებით.
ძალიან მომწონს თითოეული ფეხბურთელის მიდგომა, მათი ბრძოლისუნარიანობა ყოველ ვარჯიშზე იგრძნობა. “შახტართან” ძალიან კარგი თამაში ვაჩვენეთ, ასეთივე შედეგის მოლოდინში ვართ.
ყველაზე მნიშვნელოვანი რამ დაცვაში კარგი თამაში იქნება. ჩვენი თავისებურებებიდან გამომდინარე დაცვიდან შეტევაში გადასვლის ხარისხი გადამწყვეტი იქნება. კარგი დაცვა ყველაფრის გასაღები იქნება,” – აცხადებს ანჩელოტი.
