ანჩელოტის რჩევა ზიდანს: “რონალდოს თავისუფლება სჭირდება”
კარლო ანჩელოტი თვლის, რომ მადრიდის “რეალის” პორტუგალიელი სუპერვარსკვლავი, კრიშტიანო რონალდო მსოფლიოს ისტორიაში საუკეთესო თავდამსხმელია. მაგრამ ფიქრობს, რომ მისი ერთ პოზიციაზე განწესება არასწორი გადაწყვეტილებაა.
“ის ყველა დროის ერთ-ერთი საუკეთესო ფეხბურთელი და ფეხბურთის ისტორიაში საუკეთესო თავდამსხმელია. მასზე უკეთესი ფეხბურთელი გუნდში არასოდეს მყოლია.
ისეთ შემტევ პოზიციაზე თამაში, როგორიც ცენტრ-ფორვარდობაა მისთვის საუკეთესო ვარიანტი ნამდვილად არ არის. მას თავისუფლება ურჩევნია, უყვარს თავისუფალ ადგილებს შორის გადაადგილება.
კრიშტიანო საკუთარი ადგილის პოვნას ყოველთვის შეძლებს, რაც მისი განსაკუთრებული ნიჭის დამსახურებაა. ის ხშირად მოგვევლინება შეტევის ორივე ფლანგზე, ზოგჯერ შესაძლოა ფლეიმეიკერის როლიც იკისროს. მისთვის ეს ჩვეულებრივი რამ არის.” – განაცხადა ანჩელოტიმ, რომელიც მომავალ სეზონში “რეკორდმაისტერს” ჩაუდგება სათავეში.
