ანელკა: “მბაპე ლიდერი უნდა იყოს, მესი მას უნდა ემსახუროს”
ფრანგული ფეხბურთის ყოფილი ვარსკვლავი, ნიკოლას ანელკა, მიიჩნევს, რომ “პარი სენ-ჟერმენმა” ლეო მესი კილიან მბაპეს შესაძლებლობების მაქსიმუმის გამოსაყენებლად უნდა გამოიყენოს.
“მბაპე ლიდერი უნდა იყოს შეტევაში, რადგან ის ნომერ პირველია. მესი “ბარსელონაში” მთავარი იყო, მაგრამ ახლა მბაპეზე უნდა თამაშობდეს, მას უნდა ემსახუროს. კილიან მბაპე ამ კლუბში მეხუთე წელს ატარებს, მესიმ პატივი უნდა სცეს ამას.
ის ფენომენალური ფეხბურთელია თავისი სიჩქარის, მასზე უკეთესი პლანეტაზე არავინაა. თუ პარიზელებს საუკეთესო გუნდის ყოლა სურთ, ყველაფერი უნდა გააკეთონ მბაპეს შესანარჩუნებლად.
ვთვლი, რომ კილიანს ყველაფერი გადაწყვეტილი აქვს. მას ახალი გამოწვევები სურს. ის ოქროს ბურთის მოგებაზე ოცნებობს, რასაც ვერ შეძლებს თუ უეფას რეიტინგით მეექვსე საუკეთესო ჩემპიონატში ითამაშებს. ინგლისში ან ესპანეთში რომ ეთამაშა ბოლო სამი წლის მანძილზე, ოქროს ბურთი უკვე მოგებული ექნებოდა,” – აცხადებს ანელკა.
