კონტე: “ნორმალურ პირობებში სანჩესის ფასი 90 მილიონი იქნებოდა”
ლონდონის “ჩელსის” მთავარმა მწვრთნელმა, ანტონიო კონტემ ალექსის სანჩესის ამჟამინდელი მდგომარეობა განიხილა. შეგახსენებთ, რომ ჩილელი ვარსკვლავი საკმაოდ ახლოსაა კარიერის “მანჩესტერ სიტიში” გაგრძელებასთან.
“რა ვუთხარი სანჩესს? უბრალოდ მივესალმე [იღიმის]. სანჩესი დიდებული მოთამაშეა და იცის, რომ “უდინეზეში” ყოფნისას მის გადაბირებას ვცდილობდი, მაგრამ, არჩევანი “ბარსელონაში” გადასვლაზე გააკეთა.
უბრალოდ კარგი შანსი იყო მისალმებისთვის. ის მიცნობს და ძალიან კარგად იცის, როგორ ვაფასებ მის შესაძლებლობებს. არ ვიცი, სად გააგრძელებს კარიერას ის, მაგრამ დარწმუნებული ვარ, რომ დიდი მომავალი აქვს.
როგორც ამბობენ, “სიტის” უნდა მისი გადაბირება და თუ ასეა, იყიდიან კიდეც. “მანჩესტერ სიტის” ფინანსური პრობლემები ნამდვილად არ აქვს და ამაზე უკეთესი ინვესტიციის მონახვა რთული იქნება. ჩვეულებრივ პირობებში მისი ფასი 90 მილიონი იქნებოდა, ახლა კი 20 მილიონად შეუძლიათ მისი ხელში ჩაგდება,” – აცხადებს იტალიელი სპეციალისტი.
