ანტუან გრიზმანი ფრანგებს კოტ-დ’იუვართან გასამართ მატჩში ვეღარ დაეხმარება

ანტუან გრიზმანი საფრანგეთის ეროვნულ ნაკრებს კოტ-დ’იუვარის წინააღმდეგ გასმართ ამხანაგურ მატჩში ვერ დაეხმარება, რომელმაც სტარტი სამშაბათს უნდა აიღოს.

“ლურჯებისა” და მადრიდული “ატლეტიკოს” ფორვარდმა ტრავმა შვედეთის ნაკრებთან, მსოფლიო ჩემპიონატის საკვალიფიკაციო ეტაპის ეგიდით გამართულ მატჩში მიიღო, რომელიც დიდიე დეშამის გუნდის გამარჯვებით, 2-1 დასრულდა.

მიუხედავად ანტუანის ტრავმისა, ფრანგები დამხმარის გამოძახების უფლების გამოყენებას არ აპირებენ.

“მომავალ მატჩში გრიზმანის თამაშის შანსები მარცხენა ფეხზე განვითარებულმა ჰემატომამ ნულამდე დაიყვანა. მისი ჩანაცვლება არ მოხდება.” – ვკითხულობთ ფრანგთა ოფიციალურ ვებ-გვერდზე გამოქვეყნებულ განცხადებაში.