არ გამოვიდა რონალდო? გამოვა კვარა! საუდის არაბეთი ქართველის სანაცვლოდ 50 მილიონს იხდის

ცნობილი ინგლისური გამოცემა Times წერს, რომ ხვიჩა კვარაცხელიას სანაცვლოდ “ნიუკასლი” 50 მილიონ ფუნტს (58 მილიონი ევრო) იხდის.

კვარაცხელიას “ნიუკასლის” სკაუტები მსოფლიო ჩემპიონატამდე ხშირად აკვირდებოდნენ და მთავარ მწვრთნელ ედი ჰაუს მისი დამატების სრული რეკომენდაცია მისცეს.

კვარა ბათუმის “დინამოდან” “ნაპოლიში” მხოლოდ 10 მილიონ ევროდ გადავიდა და დღეს Transfermarkt-ის მიხედვით, 60 მილიონად ფასობს.

“ნიუკასლში” 3 წელი თემურ ქეცბაიაც გამოდიოდა.

“კაჭკაჭებს”, რომელსაც საუდის არაბეთის 430 მილიარდიანი ფონდი ფლობს, რონალდოს გადაბირებაც სურდათ, თუმცა მასთან მოლაპარაკებები წარმატებულად არ წარიმართა.