არბელოამ და პიკემ ერთმანეთს სოციალური ქსელის მეშვეობით შეუტიეს
ერთმანეთის თანამემამულეებმა და ერთი გუნდის წევრებმა, რომლებიც ამავდროულად ერთმანეთის “მოსისხლე მტრებიც” არიან, ერთმანეთს კვლავ შეუტიეს. საუბარია ალვარო არბელოასა და ჟერარ პიკეზე.
მას შემდეგ, რაც “რეალმა” “ეიბარი” გაანადგურა (4-0), “ბარსა” გასვლაზე “რეალ სოსიედადთან” დამარცხდა. ალვარო არბელოამ ეს შესანიშნავი შანსი გამოიყენა და კატალონიელების პროვოკაციაზე წამოგება სცადა.
¡QUÉ DIFÍCIL ES GANAR CONTRA 11!
¡Partidazo de @illarra4 y enorme @eGranero11, promesa cumplida! 😉 ¡Enhorabuena Pirata! ????— Álvaro Arbeloa (@aarbeloa17) April 9, 2016
“რთული ყოფილა 11 ფეხბურთელის წინააღმდეგ თამაში, არა?” – ალვარომ ამით ყურადღება ტორესის გაძევებაზე გაამახვილა. “შესანიშნავი მატჩი ილიარამენდისაგან და გრანეროსაგან. გილოცავთ!”
პიკემ ალვეროას შემდეგნაირი პასუხი გასცა: “ფეხბურთელი, რომელიც 32 მატჩიდან მხოლოდ ერთხელ შეძლებს სასტარტოში თამაშს, ჩემგან პასუხს არ იმსახურებს.”
Pues tenía razón. Peliculon "La verdad duele" https://t.co/a4EKfdTtlO
— Álvaro Arbeloa (@aarbeloa17) April 9, 2016
“შესანიშნავი ფილმია. სიმართლე მტკივნეულია.” – უპასუხა არბელოამ. ამით არბელოა პიკეს პოსტს შეეხო, რომელიც მან “რეალისა” და “ვოლფსბურგის” მატჩის შემდეგ გამოაქვეყნა.
Peliculón lleva tilde. Un abrazo. https://t.co/olqNtB40kn
— Gerard Piqué (@3gerardpique) April 9, 2016
პიკემ კი ყურადღება ალვარო არბელოას გრამატიკულ შეცდომაზე გაამახვილა: “Peliculón – მახვილით იწერება. გეხუტები.”
Igual que 'expulsión'. Vuelves a tener razón. Abrazo fenómeno. https://t.co/RJzqVzHb9x
— Álvaro Arbeloa (@aarbeloa17) April 9, 2016
“ისევე როგორც, expulsión (გაგდება). კიდევ ერთხელ მართალი ხარ. მეც გეხუტები ფენომენალურო!” – უპასუხოდ არ დატოვა არბელოამაც.
