არგენტინელი ექიმი: ფეხბურთის ლეგენდა გულის გარეშე დამარხეს

ფეხბურთის არგენტინელი ლეგენდა, დიეგო მარადონა, 2020 წლის 25 ნოემბრის საღამოს 60 წლის ასაკში გარდაიცვალა. მარადონა, რომელიც მუდმივად ყურადღების ცენტრში იყო, კვლავაც კონტროვერსიული დავების ერთ-ერთი მთავარი თემა გახლავთ.

დიეგო მარადონას გარდაცვალებასთან დაკავშირებით არაერთი პასუხგაუცემელი კითხვა არსებობს. ჯერ ისიც კი არაა ცნობილი, თუ კონკრეტულად რამ გამოიწვია მისი გარდაცვალება.

დანამდვილებიდ შესაძლებელია იმის თქმა, რომ დიეგო მარადონას გარდაცვალებასთან დაკავშირებით კრიმინალური გამოძიება მიმდინარეობს. ჟურნალისტი და ექიმი ნელსონ კასტრო ამ თემასთან დაკავშირებით ახალ საინტერესო დეტალს ამჟღავნებს.

“ამ ორგანიზაციის (Gimnasia La Plata barra bravas) თანამშრომელთა გარკვეული ჯგუფი უნებართვოდ აპირებდა მარადონასთვის გულის ამოღებას. ამის შესახებ შევიტყვეთ და რადგან გული გამოძიებისა და კვლევების უმნიშვნელოვანეს საგანს წარმოადგენდა, ის საგულდაგულოდ შევინახეთ.

დანამდვილებით შეიძლება იმის თქმა, რომ მარადონა გულის გარეშე დაიმარხა,” – აცხადებს კასტრო.

პრესაში ბატონობს კიდევ ერთი მოსაზრება, რომლის მიხედვითაც არგენტინელ ლეგენდას თავადაც არ ჰქონდა გამოჯანმრთელების სურვილი. ამ აზრზს კასტროც უჭერს მხარს.

“საუბედუროდ, დიეგო მარადონა ადვილად ხდებოდა დამოკიდებული ყველაფრის მიმართ, რაც მას ანადგურებდა. მის ადგილას ბევრი გაცილებით უფრო ადრე გარდაიცვლებოდა. განსაკუთრებული იმუნიტეტი ჰქონდა და კიდევ ბევრს გადაიტანდა, მაგრამ მას თავად არ სურდა გამოჯანმრთელება,” – დაამატა კასტრომ.