არსენ ვენგერი სუპერლიგის შექმნის იდეას გამოეხმაურა
ლონდონის “არსენალის” ყოფილმა მთავარმა მწვრთნელმა არსენ ვენგერმა ევროპული სუპერლიგის შექმნის იდეა გააკრიტიკა.
“ეს ცუდი იდეაა. ფეხბურთი უნდა იყოს ერთიანი, ეს ყველაზე მთავარია. ის ეფუძნება სპორტულ დამსახურებებსა და ისტორიის პატივისცემას, რომელსაც საფუძველი ევროპულ ფეხბურთში ჩაეყარა. ჩემი აზრით, სუპერლიგის იდეას დიდი მომავალი არ უწერია.
ამის უკან გაცილებით საშიშია იდეაა და ეს დიდი საფრთხეა პრემიერლიგისთვის. ჯერ კიდევ მაშინ, როდესაც მწვრთნელად ვმუშაობდი, სხვა ქვეყნების მხრიდან ბევრი რამ კეთდებოდა პრემიერლიგის დომინირების შესამცირებლად და მსგავსი პროექტი მათი განზრახვის სისრულეში მოყვანას ნამდვილად დააჩქარებდა”, – თქვა ვენგერმა “თოქსპორტისთვის” მიცემულ ინტერვიუში.
შეგახსენებთ, რომ სუპერლიგაში ამ დროისთვის 12 კლუბია გაერთიანებული: “არსენალი”, “მანჩესტერ იუნაიტედი”, “მანჩესტერ სიტი”, “ლივერპული”, “ჩელსი”, “ტოტენჰემი”, “რეალი”, “ბარსელონა”, “ატლეტიკო”, “იუვენტუსი”, “ინტერი”, “მილანი”.
