„არსენალმა“ „ევერტონი“ გაანადგურა და ინგლისის თასის ნახევარფინალში გავიდა

დღეს, „ემირეითს სთედიუმზე“, ინგლისის თასის მეოთხედფინალური მატჩი გაიმართა, რომელშიც ერთმანეთს ლონდონის „არსენალი“ და „ევერტონი“ დაუპირისპირდნენ.

შეხვედრა მასპინძელთა გამარჯვებით, 4:1 დასრულდა. უკვე მე-7 წუთზე ანგარიში მესუთ იოზილმა გასხნა. წონასწორობა 32-ე წუთზე რომელუ ლუკაკუმ აღადგინა. 68-ე წუთამდე ანგარიში თანაბარი იყო, რის შემდეგად პენალტით თავისი გუნდი მიკელ არტეტამ დააწინაურა. 83-ე და 85-ე წუთზე კი სტუმრები ოლივიე ჟირუმ დაამწუხრა, რომელმაც დუბლი შეასრულა.

„არსენალი“ – „ევერტონი“ – 4:1 (1:1)
გოლები: იოზილი 7′, არტეტა 68′ (პენ), ჟირუ 83′, 85 – ლუკაკუ 32′

„არსენალი“: ფაბიანსკი, მერტეზაკერი, ვერმალენი, გიბსი (ჯენკინსონი 88′), სანია, არტეტა, ფლამინი, იოზილი, კასორლა, ოქსლეიდ-ჩემბერლენი (როსიცკი 78′), სანოგო (ჟირუ 61′)

„ევერტონი“: რობლესი, დისტინი, სტოუნსი, ბეინსი, კოულმენი, მაკარტი, ბერი, ბარკლი (დეულოფეუ 84′), პიენაარი (ოსმანი 76′), მირალიასი (მაკგიდი 76′), ლუკაკუ

გაფრთხილებები: ფლამინი 24′, ჟირუ 68′, მაკარტი 69′