“არსენალს” გონსალო იგუაინი სურს

ლონდონის “არსენალის” მთავარი მწვრთნელი არსენ ვენგერი გუნდის შეტევითი ხაზის გაძლიერებას აპირებს.

იტალიური “რაის” ცნობით, ფრანგი სპეციალისტი ლონდონში “ნაპოლის” პრეზიდენტ აურელიო დე ლაურენტისთან შეხვედრას გეგმავს, რათა გონსალო იგუაინის შესაძლო ტრანსფერი განიხილოს. გავრცელებული ინფორმაციით, “მეთოფეთა” თავკაცი მზად არის, გარიგებაში ოლივიე ჟირუ ჩართოს და 50 მილიონი ევროც დაამატოს.

შეგახსენებთ, რომ 28 წლის იგუაინმა გასულ სეზონში საკლუბო დონეზე 42 მატჩი ჩაატარა, 38 გოლი გაიტანა და სამი საგოლე გადაცემა გააკეთა. სპეციალიზებული ინტერნეტპორტალი Transfermarkt-ი არგენტინელი თავდამსხმელის სატრანსფერო ღირებულებას 60 მილიონ ევროდ აფასებს.