“ატლეტიკო” გრიზმანს ხელფასის სახით 10 მილიონით მეტს სთავაზობს, ვიდრე “ბარსელონა”

თარიღი: მაისი 24, 2018

მადრიდის “ატლეტიკოს” ხელმძღვანელები მაქსიმალურად ცდილობენ გუნდის ლიდერის, ანტუან გრიზმანის, შენარჩუნებას. როგორც იცით, ეს უკანასკნელი ძალიან ახლოსაა კატალონიის “ბარსელონაში” გადაბარგებასთან.

ცნობისთვის გეტყვით, რომ 27 წლის გრიზმანი ხუთშაბათს ნაკრებს შეუერთდა, თუმცაღა საკუთარ მომავალთან დაკავშირებით განცხადების გაკეთებისგან თავს იკავებს.

“როხიბლანკომ” გრიზმანს საკმაოდ სარფიანი წინადადება შესთავაზა – თუ გრიზმანი “ვანდა მეტროპოლიტანოზე” დარჩება, მისი ხელფასი წელიწადში 25 მილიონი ევრო იქნება, რაც 10 მილიონით აღემატება “კატალონიურ” ვარიანტს.

თავის მხრივ ნერვიულობენ და ჩქარობენ “ბლაუგრანაშიც” – კლუბის ხელმძღვანელები შიშობენ, რომ გასული წლის შემთხვევა განმეორდება, როდესაც მარკო ვერატის ტრანსფერი ბოლო წამს ჩაიშალა.

მსგავსი სიახლეები