“ატლეტიკომ” “ბარსელონა” ჩემპიონთა ლიგას გამოთიშა (ვიდეო)

უეფას ჩემპიონთა ლიგის მეოთხედფინალურ ეტაპზე მადრიდის “ატლეტიკომ” “ბარსელონას” ბარიერის დაძლევა მოახერხა. როგორც მოგეხსენებათ, წყვილის პირველი შეხვედრა კატალონიელთა გამარჯვებით, ანგარიშით 2:1 დასრულდა. მადრიდში გამართულ საპასუხო მატჩში დიეგო სიმეონეს გუნდმა ანგარიშით 2:0 იმარჯვა. მადრიდელები ანტუან გრიზმანმა 36-ე წუთზე დააწინაურა. 88-ე წუთზე კი ანდრეს ინიესტას მიერ საკუთარ საჯარიმო მოედანზე ხელით თამაშისთვის მთავარმა არბიტრმა თერთმეტმეტრიანი დარტყმა დანიშნა. პენალტი ზუსტად შეასრულა გრიზმანმა და უპირატესობა გაზარდა. კატალონიელებმა დარჩენილ დროში გოლის გატანა ვერ მოახერხეს და ტურნირს მეოთხედფინალურ ეტაპზე გამოეთიშნენ.

უეფას ჩემპიონთა ლიგა
საპასუხო მატჩი
“ატლეტიკო” — “ბარსელონა” 2:0 (1:0)

გოლები: გრიზმანი 36′, 88′ (პენ).
გაფრთხილებები: გაბი 68′, გოდინი 85′, კორეა 90′, კოკე 90+5′ — სუარესი 70′, ნეიმარი 76′, ინიესტა 87′, არდა თურანი 90+1′.
მთავარი მსაჯი: ნიკოლა რიცოლი (იტალია).