“ატლეტიკომ” ევროპა ლიგის ფინალში “მარსელი” გაანადგურა (ვიდეო)

16 მაიის საღამოს მთელი საფეხბურთო სამყაროს ყურადღება ლიონისკენ იყო მიმართული, სადაც ევროპა ლიგის ფინალში ერთმანეთს “მარსელი” და “ატლეტიკო” ერკინებოდნენ.

მატჩი “ატლეტის” სრული უპირატესობით მიმდინარეობდა. ანგარიში ანტუან გრიზმანმა შეხვედრის 21-ე წუთზე გახსნა. 32-ე წუთზე “მარსელის” ლიდერმა, დიმიტრი პაიემ ტრავმა მიიღო, რის გამოც მოედანი ნაადრევად დატოვა, რითიც ძლიერი დარტყმა მიიღეს ფრანგებმა.

სიტუაცია არც მეორე ტაიმში შეცვლილა. 49-ე წუთზე გრიზმანმა დუბლი გაიფორმა, მატჩის მიწურულს კი გაბიმ თავისი პირველი გოლი გაიტანა ევროტურნირებზე – 0-3.

ასე რომ, “ატლეტიკომ” მესამეჯერ მოიგო ევროპა ლიგა ისტორიის მანძილზე. დიეგო სიმეონე კი მოგებული ტიტულების ოდენობით რეკორდსმენ არაგონესს გაუთანაბრდა (8).

“მარსელი”: მანდანდა; ამავი, ლუის გუსტავო, რამი, სარი; სანზონი, ანგისა; ოკამპოსი (ნჯიე 55′), პაიე (ლოპესი 32′), ტავინი; ჯერმენი (მიტროღლუ 74′)

მთავარი მწვრთნელი: რუდი გარსია

“ატლეტიკო”: იან ობლაკი; ვრსალკო (ხუანფრანი 46′), ხიმენესი, გოდინი, ლუკასი; კორეა (ტომასი 88′), გაბი, საული, კოკე; გრიზმანი (ტორესი 90′), დიეგო კოშტა

მთავარი მწვრთნელი: დიეგო სიმეონე