“ატლეტიკოს” გიოტცეს დამატება სურს

ავტორიტეტული გერმანული გამოცემა “ბილდი” იტყობინება, რომ მადრიდის “ატლეტიკო” დორმტუნდის “ბორუსიას” ნახევარმცველ მარიო გიოტცეს დამატებით არის დაინტერესებული. გერმანელი ფეხბურთელი სეზონის ბოლოს თავისუფალი აგენტის სტატუსს მიიღებს.

წყარო იუწყება, რომ ამ შესაძლო ტრანსფერის ერთ-ერთ მთავარ დამაბრკოლებელ ფაქტორად შეიძლება სახელფასო განაკვეთი გახდეს. კერძოდ, “ბორუსიაში” გიოტცეს შრომის ანაზღაურება წლიურად თითქმის 10 მილიონ ევროს უტოლდება. “ატლეტიკოს” კი კორონავირუსული პანდემიისა და მასთან დაკავშირებული ფინანსური დანაკარგების გათვალისწინებით ორ მილიონ ევროზე მეტის გადახდა არ შეუძლია.

მარიო გიოტცემ მიმდინარე სეზონში “ბორუსიას” რიგებში 21 მატჩი ჩაატარა, სამი გოლი გაიტანა და ერთი შედეგიანი გადაცემა მიითვალა.