“ატლეტიკოს” მესუთ იოზილის დამატება სურს
თარიღი: იანვარი 16, 2019
ლონდონის “არსენალის” ნახევარმცველმა მესუთ იოზილმა კარიერა, შესაძლოა, ესპანეთის პრიმერადივიზიონში გააგრძელოს. გერმანელი ფეხბურთელით მადრიდის “ატლეტიკო” გახლავთ დაინტერესებული, რომელიც “მეთოფეებს” 18 მილიონ გირვანქა სტერლინგს სთავაზობს.
აღსანიშნავია, რომ “არსენალი” მესუთ იოზილის შესაძლო ტრანსფერთან დაკავშირებით შემოთავაზებების მისაღებად მზად არის, თუმცა გარიგებას ერთი ფაქტორი ართულებს: ფეხბურთელის მაღალი ხელფასი. იოზილს ლონდონურ კლუბში ჯამაგირის სახით კვირაში 350 ათასი გირვანქა სტერლინგი ეძლევა.
მანამდე გავრცელებული ინფორმაციით, “არსენლაის” თავკაც უნაი ემერის მესუთ იოზილის გაყიდვა ზამთრის სატრანსფერო პერიოდში სურს. ფეხბურთელის დამატების სურვილი მილანის “ინტერმა” და ტურინის “იუვენტუსმაც” გამოხატეს.
მსგავსი სიახლეები