აზარი: “ხალხს ჰგონია, რომ ყოველთვის ტრავმირებული ვარ”

მადრიდის “რეალის” ბელგიელმა ვარსკვლავმა, ედენ აზარმა, პრესასთან საუბრისას აღნიშნა, რომ ტრავმიანი პერიოდის მიუხედავად მოტივაცია არ დაუკარგავს და მადრიდში საკუთარი შესაძლებლობების სრულად წარმოჩენას გეგმავს.

“რეალში” ხუთწლიანი კონტრაქტი გავაგრძელე. ტრავმების გამო პირველი ორი სეზონი კარგი არ გამომივიდა. თუმცა წინ კიდევ სამი სეზონია დარჩენილი და ყველანაირად ვეცდები, რომ გაცემული ავანსები გავამართლო.

ხალხს ჰგონია, რომ ყოველთვის ტრავმირებული ვარ. ეს სიმართლეა. მაგრამ თუ ჩემ კარიერას შეხედავთ, ნახავთ, რომ ათწლიანი პერიოდის მანძილზე ამდენი მატჩი არავის ჩაუტარებია.

ვაკეთებ იმას, რაც მევალება. ფიზიოთერაპერტთან ყოველდღიურად ვმუშაობ. ამ დროისთვის ყველაფერი კარგად არის, თუმცა 100 პროცენტით მზად ჯერაც არ ვარ,” – აცხადებს აზარი.