აზარი: “პარიზში შეიძლება გავნადგურდეთ”

ლონდონის “ჩელსის” ბელგიელმა ნახევარმცველმა, ედენ აზარმა აღიარა, რომ მისი გუნდის ფეხბურთელებს “პარის სენ-ჟერმენის” ეშინიათ.

” კენჭისყრის შემდეგ “ჩელსიში” ყველას ასეთი რეაქცია ჰქონდა: ‘არა, ოღონდ კვლავ “პსჟ” არა’.

გასული წლის შეხვედრა კვლავ გვახსოვს. “სტემფორდ ბრიჯზე” ვთამაშობდით, ყველაფერი ჩვენს ხელში იყო, “პსჟ” კი 10 კაცით იყო დარჩენილი. თუმცა კუთხურიდან გაშვებულმა გოლებმა გაგვტეხეს.

უნდა გავაანალიზოთ, რომ მიმდინარე სეზონში “პსჟ” ძალიან საშიში გუნდია. მათ ყველა მატჩი მოიგეს და საკუთარი პოზიციები გაამაგრეს. ისინი “ბარსასა” და “რეალის” დონეზე დგანან.

“პარკ დე პრინსზე” მიმავალმა გუნდებმა იციან, რომ იქ შესაძლოა განადგურდნენ. მოხდება თუ არა მსგავსი რამ ჩვენ შემთხვევაში? ყველაფერი შეიძლება მოხდეს. თუმცა ჩვენი ჩამოწერა ჯერ მაინც არ ღირს.”