ბადრი კვარაცხელია: “ყველაფერს გავაკეთებთ იმისთვის, რომ “მერანი” უმაღლეს ლიგაში დარჩეს”

თარიღი: ოქტომბერი 28, 2015

მარტვილის “მერანს” კარგი პერიოდი არ უდგას. გუნდი, რომელიც ყოველთვის გამოირჩეოდა ბრძოლისუნარიანობით და თითქმის დაუმარცხებელი იყო საკუთარ მოედანზე, მიმდინარე ეროვნულ ჩემპიონატში არასტაბილურად გამოიყურება, რაც კლუბის მიერ ნაჩვენებ შედეგზეც აისახა. მარტვილელებს მე-9 ტურის თავზე მხოლოდ 3 ქულა აქვთ, თუმცა არსებულ ვითარებას თავისი მიზეზებიც აქვს, მთავარი მიზეზი კი ალბათ ის არის, რომ გუნდმა ჩემპიონატის დაწყებამდე ძირითადი ბირთვის შენარჩუნება ვერ შეძლო. წამყვანი ფეხბურთელების უმრავლესობას გუნდის დატოვება მოუწია ფინანსური კუთხის გამო და შეიძლება ითქვას, ფაქტიურად ახალი გუნდი შეიქმნა დუბლების, ჭაბუკთა ლიგის და რამდენიმე ახალწვეული ფეხბურთელისგან. “მერანს” მიმდინარე ეროვნული ჩემპიონატის წარუმატებელი სტარტის შემდეგ ახალი მთავარი მწვრთნელი ჰყავს. თუ რა მდგომარეობაა გუნდში და რა ცვლილებებია მოსალოდნელი, ამ საკითხთან დაკავშირებით სწორედ ბადრი კვარაცხელიას დავუკავშირდით.

— მართალია გუნდში ახალი მოსული ხართ, მაგრამ მცირე დროც საკმარისია იმისთვის, რომ გარკვეული წარმოდგენა გქონდეთ გუნდში არსებულ პრობლემებზე. რაში ხედავთ გამოსავალს?
— პრობლემებს რა გამოლევს საქართველოში. ისევე როგორც სხვა გუნდებს, მარტვილის “მერანსაც” აქვს პრობლემები, მაგრამ ეს იმას არ ნიშნავს რომ გუნდმა ფარ-ხმალი უნდა დაყაროს. საუბარს “საპოვნელასთან” მატჩით დავიწყებ, სადაც “მერანმა” ოთხი ძირითადი ფეხბურთელის გარეშე ითამაშა, რაც ნებისმიერი გუნდისთვის იქნებოდა დიდი დანაკლისი. ჯერ ავიღოთ “შუქურასთან” მატჩი, სადაც გუნდმა ნორმალური შთაბეჭდილება დატოვა, თუმცა, სამწუხაროდ, იმ შეხვედრაში ორი ფეხბურთელი გაგვიძევეს, ასევე ყვითელი ბარათი მიიღო შალიკაშვილმა, რომელსაც გაფრთხილებები დაუგროვდა და გამოტოვა მომდევნო შეხვედრა და დუბლების შეხვედრაში გაძევებული იქნა პაჭკორია. პასუხისმგებლობას კი არ ვიხსნი, უბრალოდ ეს ყველაფერი რომ გავლენას იქონიებდა შემდეგ თამაშზე, ცხადი იყო. აქიდან გამომდინარე, მოგვიწია როტაცია, ჩვენ სერიოზულად ვემზადებოდით ამ შეხვედრისთვის, მაგრამ, სამწუხაროდ, ვერ შევძელით იმ დასახული ამოცანის შესრულება, რაც გვქონდა. ახლა მთავარია “ლოკომოტივთან” მატჩში მოვიპოვოთ გამარჯვება. “ლოკომოტივთან” მოგებას უდიდესი მნიშნელობა აქვს როგორც შედეგისთვის, ასევე ფეხბურთელებისთვის, საკუთარ თავში ძალები რომ ირწმუნონ. “მერანში” ახალი მოსული ვარ და ჯერ ადრეა საუბარი იმაზე, რომ ძირეული ცვლილებები მომხდარიყო, თუმცა ვცდილობ, გუნდში შევქმნა ისეთი ატმოსფერო, რომ გამარჯვებულის მოტივაცია ჰქონდეთ ფეხბურთელებს, შეთამაშდნენ და უფრო მეტი პასუხისმგებლობით მოეკიდონ საქმეს. ბევრი სამუშაოა. “შუქურასთან” მატჩი ვახსენეთ და გამარჯვებას თუ არა, ფრეს მაინც ვიმსახურებდით ამ შეხვედრაში, მაგრამ შეცდომის გამო მივიღეთ ბოლო წუთზე გოლი, “საპოვნელასთანაც” იყო შეცდომები.

— ამ კონტიგენტით რომ უმაღლეს ლიგაში დარჩენა გაგიჭირდებათ, ფაქტია და თუ აპირებთ გუნდის გაძლიერებას ახლო მომავალში?
— აუცილებლად გვჭირდება გაძლიერება ყველა რგოლში, მაგრამ ეს იმას არ ნიშნავს, რომ გუნდი მთლიანად შეიცვლება. საჭიროა შეიქმნას კონკურენტუნარიანი გარემო, ერთ პოზიციაზე უნდა იყოს ორი ისეთი მოთამაშე, რომელსაც შეუძლია მაღალ დონეზე თამაში და ვინც დაიმსახურებს, ის ფეხბურთელი დაიცავს გუნდის ღირსებას. ვინც უფრო მეტს იშრომებს და შედეგიანი იქნება, ის ითამაშებს ძირითად შემადგენლობაში. მიჭირს ამის თქმა, მაგრამ, სამწუხაროდ, არ მყავს გუნდში ისეთი ფეხბურთელი, რომელსაც მოედანზე შემოვუშვებ და თამაშის ამინდს შეცვლის, ლიდერის როლს იკისრებს. თუ გვინდა, რომ წარმატებას მივაღწიოთ, ახალი სისხლია საჭიროა და მეორე წრისთვის ასეც მოხდება.
დუბლშემადგენლობიდან, ჭაბუკთა ლიგიდან გვყავს ჩვენ ნიჭიერი პერსპექტიული ფეხბურთელები, მაგრამ ჯერ ადრეა ამ ბავშვებს ასეთი დიდი ტვირთი ავკიდოთ. რა თქმა უნდა, გვყავს გამოცდილი ფეხბურთელებიც, რომლებიც გამოგვადგებიან და ვნახოთ, ყველაფერს გვიჩვენებს მომავალი“.

— სანამ “მერანში” მოხვიდოდით სამუშაოდ, ლანჩხუთიას “გურიას” მთავარი მწვრთნელი იყავით, თუმცა ძალიან ცოტა ხნით. შეგიძლიათ გვითხრათ, რა მოხდა მაშინ?
— იცით რა, მე არ ვარ ის მწვრთნელი, რომ ორი თვით მივიდე გუნდში სამუშაოდ. აი, დღეს “მერანში” ვარ და ჩემთვის ერთ თვეში შედეგი რომ მოეთხოვათ, არ მოვიდოდი. მე ვიცი ეს გუნდი, შესწავლილი მყავს და რა თქმა უნდა, მქონდა საუბარი გუნდის ხელმძღვანელობასთან, მაქვს ჩემი ხედვა და გეგმა. ამისთვის დროა საჭირო, ერთი და ორი თამაშით არ შეიძლება მოხდეს ანალიზი. ვფიქრობ, რომ “გურიას” შემთხვევაში მე და იმ გუნდის პრეზიდენტმა ნაჩქარევი გადაწყვეტილება მივიღეთ, რადგან, საბოლოო ჯამში, ასე მოხდა. “მერანში” მოვედი იმისთვის, რომ დასახული მთავარი ამოცანა შევასრულო, ამისთვის დროა საჭირო და შედეგიც აუცილებლად მოვა. მე აქ ძმაკაცობით და მეგობრობით არ მოვსულვარ, ჩემი მთავარი მიზანი გუნდის გადარჩენაა და თუ ეს ვერ შევასრულე, ავდგები და წავალ. გუნდის ხელმძღავნელობიდან ხელშეწყობა არის, აქ არის იმის პირობები, გუნდმა ივარჯიშოს, დაისვენოს. ახლა იდეალური მდგომარეობა საქართველოში არსად არ არის, მაგრამ ის პირობები რაც “მერანს” აქვს, არ ასახავს გუნდის მიერ ნაჩვენებ შედეგს. დღეს “მერანი” არ უნდა იყოს ბოლოსწინა ადგილზე, მაგრამ, როგორც გითხარით, ყველაფერს ვაკეთებს იმისთვის, რომ გუნდი წარმატებული გახდეს და აუტსაიდერთა ზონას თავი დააღწიოს.

— და ბოლოს, უახლოესი მატჩი თბილისის “ლოკომოტივთან” გაქვთ. როგორი განწყობაა გუნდში?
— მე დავესწარი “ლოკომოტივი” – “საბურთალოს” მატჩს. იცით, რომ ახალი მწვრთნელი ჰყავს “ლოკომოტივს” და აღნიშნულ შეხვედრაში გამარჯვებას მიაღწიეს. ეს მუხტი თითქმის ყველა ახალმა მწვრთნელმა გამოიყენა ჩემ გარდა და იმედია, ჩვენს შემთხვევაში სწორედ “ლოკომოტვთან” გატყდება ნავსი “მერანის” სასარგებლოდ. კარგი ძლიერი გუნდი ჩამოდის გამოცდილი ფეხბურთელებით, მათ შორის ასაკობრივი ნაკრების ფეხბურთელებიც არიან. ასე რომ, სერიოზული მოწინააღმდეგე გვყავს, თუმცა ჩვენ, მთავარია, ჩვენი საქმე გავაკეთოთ. ვინც უფრო მეტს მოინდომებს და მეტი ჟინი ექნება, ის გუნდი გაიმარჯვებს. ძალიან გვჭირდება გამარჯვება და იმედი მაქვს, ასეც მოხდება, რაშიც საშინაო არენა და ჩვენი ერთგული გულშემატკივარიც დაგვეხმარება.

 

მსგავსი სიახლეები
ფეხბურთი

რომელმა ხუთმა კლუბმა გამოთქვა კვარაცხელიას დამატების სურვილი ბოლო 3 თვეში

საქართველოს ეროვნული ნაკრებისა და ყაზანის “რუბინის” გარემარბ ხვიჩა კვარაცხელიას აგენტმა მამუკა ჯუღელმა ქართველი ფეხბურთელის კარიერის [&hel...
წაკითხვა
ფეხბურთი

“კაცი მწვრთნელი ქალების გასახდელში უნებართვოდ შედიოდა” – ქართველი ფეხბურ

ორგანიზაცია “პარტნიორობა ადამიანის უფლებებისთვის” განცხადებას აქვეყნებს და სასამართლოში ქალი ფეხბურთელების უფლებებს დაიცავს, რომლებიც სექს...
წაკითხვა
ფეხბურთი

3 წითელი ბარათი, გინება, ნივთის სროლა – არეულობა “თელავი” – “

28 ოქტომბერს, საქართველოს კრისტალბეთ ეროვნული ლიგის მე-14 ტურში “თელავმა” საკუთარ მოედანზე “საბურთალო” მიიღო და ფრედ […...
წაკითხვა
ფეხბურთი

“საბურთალოს” “თელავის” წინააღმდეგ სათადარიგო სკამზე 3 ფეხბურთელი ჰ

ეროვნული ლიგის მე-14 ტურში “თელავი” “საბურთალოს” მასპინძლობს და მე-20 წუთზე ანგარიში 1-1 არის. თბილისელთა მხრიდან […]...
წაკითხვა
ფეხბურთი

ქობულეთის “შუქურას” 6 ფეხბურთელს კორონავირუსი დაუდასტურდა

ქობულეთის “შუქურას” 6 ფეხბურთელს კორონავირუსი დაუდასტურდა და “შუქურასა” და “შევარდენის” გადადებული მატჩი 25 ნოემბე...
წაკითხვა
ფეხბურთი

ვლადიმირ ვაისი: “ხვიჩა კვარაცხელია დორტმუნდის “ბორუსიაში” სათამაშოდ მზად

საქართველოს ნაკრების მთავარი მწვრთნელი, ვლადიმირ ვაისი ხვიჩა კვარაცხელიას დორტმუნდის “ბორუსიაში” შესაძლო ტრანსფერის საკითხს გამოეხმაურა. რ...
წაკითხვა
ფეხბურთი

კახა კალაძე: “პანდემია რომ ჩაივლის, მსოფლიო ვარსკვლავებს ბათუმის სტადიონზე ჩამოვიყვა

საქართველოს ნაკრებისა და “მილანის” ყოფილმა ფეხბურთელმა, თბილისის მერმა კახა კალაძემ ბათუმის სტადიონის გახსნაზე ისაუბრა. “მსოფლიოს [&...
წაკითხვა
ფეხბურთი

ბათუმის ახალი სტადიონის მშენებლობა დასრულდა და გაიხსნა!

ათუმში ახალი საფეხბურთო სტადიონის მშენებლობა დასრულდა. 27 ოქტომბერს დასრულებული სტადიონი საქართველოს პრემიერ მინისტრმა გიორგი გახარიამ, […]...
წაკითხვა
ფეხბურთი

“ჩემპიონობით გამოსწორდება ეს ყველაფერი? თამასა ეგრეა შენთვის?” – “

თბილისის “დინამოს” ფანები ეროვნულ ლიგაში გამართული ერთ-ერთი მატჩის შემდეგ გუნდის ფეხბურთელებს შეხვდნენ. საუბრის თემა ევროტურნირებზე [&hell...
წაკითხვა
ფეხბურთი

გიორგი კოხრეიძე: “მინდორს გაცილებით ადრე დავუბრუნდები”

“საბურთალოსა” და საქართველოს ახალგაზრდული ნაკრების ფორვარდმა გიორგი კოხრეიძემ, რომ ფეხზე ოპერაცია გაიკეთა და ახლა სარეაბილიტაციო კურსს […]...
წაკითხვა
ფეხბურთი

აგენტი: “ხვიჩას ტრანსფერით “სევილია” დაინტერესდა”

საქართველოს საფეხბურთო ნაკრებისა და “რუბინის” თავდამსხმელის, ხვიჩა კვარაცხელიას, შესახებ საინტერესო ინფორმაცია გაგვანდო მისმა აგენტმა, თეი...
წაკითხვა
ფეხბურთი

“მეტყვით, რატომ ვლაპარაკობ ახლა?” – თემურ ქეცბაია ჟურნალისტს

თემურ ქეცბაიას შოუ გრძელდება. “ანორთოსისის” მთავარი მწვრთნელი, კვიპროსის ჩემპიონატში გამართული მატჩების შემდეგ პრესკონფერენციებს უცნაურად ...
წაკითხვა
ფეხბურთი

როგორი პენალტი დაინიშნა “ჩიხურა” – “სამტრედიას” მატჩის 86-ე

25 ოქტომბერს, საქართველოს ეროვნული ლიგის 14-ე ტურში “ჩიხურამ” მიხეილ მესხის სახელობის სტადიონზე “სამტრედიას” უმასპინძლა. შეხვე...
წაკითხვა