“ბაიერნი” ბეილის ტრანსფერის წინააღმდეგი არაა, მაგრამ 200 მილიონს არ გადაიხდის

არავის ეპარება ეჭვი იმაში, რომ მადრიდის “რეალის” უელსელი შემტევი, გარეთ ბეილი ზამთრის სატრანსფერო ფანჯარაზე კლუბს არ შეიცვლის. მაგრამ არავინ იცის, რა მოხდება ზაფხულში.

Sport Bild-ის მიერ გავრცელებული ბოლო ცნობების თანახმად, “რეკორდმაისტერში” ძალიან მოსწონთ ბეილის კანდიდატურა, მაგრამ ბეილის ფასი გერმანელებისთვის მიუღებელია.

როგორც იცით, “ბლანკოსი” გუნდის ერთ-ერთი ლიდერის სანაცვლოდ 200 მილიონ ევროს ითხოვს. “ბავარიელებს” კი ფეხბურთელში დიდი ოდენობის თანხის გადახდა არ სჩვევიათ და არც ახლა სურთ.

ბეილს “რეალთან” არსებული კონტრაქტი 2022 წლამდე აკავშირებს, მის გამოსასყიდ თანხად კი 500 მილიონი ევროა მითითებული.